போலித்தனம் ஒரு போதும் கலாசாரமாக முடியாது. நீங்கள் ராஜ உடைகளை அணிந்து கொண்டு ராஜாவைப் போல நடிக்கலாம், ஆனால் அந்த போலித்தனத்தின் மூலம், நீங்கள் ஒரு ராஜாவாக ஆகி விட முடியுமா? போலித்தனம், கோழைத்தனத்தின் ஒரு சின்னமாகும்; அது உங்களைப் படிப் படியாக, பயங்கரமான விளைவுகளுக்குள் வீழ்த்தி விடும். அது ஒருவரது முன்னேற்றத்தை மேம்படுத்த முடியாது. உங்களை நீங்களே, உங்களாகவே உயர்த்திக் கொள்ளப் பாடுபடுங்கள். நீங்கள் இறைவனுக்கு மிகவும் பிடித்தமான குழந்தைகளான பாரத நாட்டவர் என்பதிலும், உங்களது முன்னோர்களைப் பற்றியும் பெருமை கொள்ளுங்கள். நாம் பிறரிடமிருந்து கற்றுக் கொள்ள வேண்டியது எவ்வளவோ உள்ளது; நீங்கள் எல்லோரிடமிருந்தும் நல்லவற்றைக் கற்றுக் கொள்ள வேண்டும். ஆனால், ஒரு போதும் பிறரது மனப்பாங்குகளை அப்படியே பின்பற்றாதீர்கள். நாம் நிலத்தில் விதைகளை விதைக்கிறோம். நாம் அதற்கு மண், உரம்,மற்றும் நீரை அளிக்கிறோம். விதை முளைத்து, ஒரு செடியாக ஆகி, ஒரு பெரிய மரமாக வளர்ந்து விடுகிறது. அது, தான் இடப்பட மண்ணாகவோ, அதற்கு அளிக்கப் பட்ட உரமாகவோ அல்லது அது எடுத்துக் கொண்ட நீராகவோ ஆவதில்லை. அது, அவை ஒவ்வொன்றிலிருந்தும் தனக்குப் பயன் தருவனவற்றை மட்டுமே கிரகித்துக் கொள்கிறது. அது, தனது இன்றியமையாத இயல்பான, ஒரு பெரிய மரமாக வளர்ந்து விடுகிறது ! நீங்களும் அப்படியே வளருவீர்களாக.