தியானத்தின் மூலம் நீங்கள் ஞானத்தை வளர்த்துக் கொள்கிறீர்கள்; ஜபத்தின் மூலம் நீங்கள் பக்தியை வளர்த்துக் கொள்கிறீர்கள்; இரண்டின் மூலமும், நீங்கள் உங்கள் இதயத்திலிருந்து அகந்தையை நீக்குகிறீர்கள்.ப்ரேமையின் ஒரு சங்கிலியால், அமைதியாகவும், அதன் பொருள் மற்றும் நுணக்கங்களைப் பற்றிய விழிப்புணர்வுடனும், இறைநாமத்தை ஜபிப்பதன் மூலம், நீங்கள் இறைவனுடன் ,உங்களை இணைத்துக் கொள்ள முடியும். ஒவ்வொரு, ‘’ சாய்ராம், ஹரே கிருஷ்ணா அல்லது விட்டலாவும்’’ ஒரு இணைப்பே; இணைப்புகள் எவ்வளவு அதிகமோ, சங்கியும் அவ்வளவு நீளமானதாகவும், பிணைப்பு உறுதியானதாகவும் இருக்கும். ஒவ்வொரு இணைப்பும், வலுவூட்டப் பட்ட எஃகால் உருவாக்கப் பட்டு இருக்க வேண்டும். ஒரு தவறான இணைப்பு, ஒரு இறைநாமம், சோம்பேறித்தனம் அல்லது அவமதிப்புடனோ, அலட்சியம் அல்லது கோபத்துடனோ, மனக்கசப்பு அல்லது வெறுப்புடனோ கூறப்பட்டால், அதுவே ஒரு வலுவற்ற இணைப்பாக ஆகி, அந்த பிணைப்பு இறுக்கமாக இருக்காது! மேலும், மற்றொருவரது இறை நம்பிக்கையை, துச்சமாக மதிக்காமல் இருப்பதில் கவனமாக இருங்கள். ஒவ்வொரு இதயத்திலிருந்தும், அனைத்து ஆனந்தத்தின் மூலாதாரமான இறைவனுக்கு ஒரு பாதை உள்ளது. ஒவ்வொருவரும் அவர்களது நேரத்தில்,அவர்களுக்கே உரித்தான வேகத்தில், அவர்களது அக உந்துதலின் மூலம், இறைவன் அவர்களுக்கு என்றே வெளிப்படுத்திய பாதையில் வந்து சேருவார்கள்.