தாமரை இலைத் தண்ணீருக்கு அடியில் பிறந்து, தண்ணீரில் தான் மிதக்கிறது; ஆனால் அது ஈரமடைவதில்லை. அதைப் போலவே, நீங்களும் இந்த உலகில், அதில், அதனுடன்,அதற்காக இருக்க வேண்டுமே அன்றி, அதனுடையதாக அல்ல. உயர் கல்வியின் பிரத்யேகமான அம்சம் உங்களை இந்தப் பாத்திரத்திற்காக தயார் செய்வதே ஆகும். அதாவது, நீங்கள் இந்த உலகில், உங்கள் இதயத்தை இறைவன் பால் ஆழ்ந்திருக்கச் செய்தும், உங்கள் கரங்களை பணியாற்றுவதில் மும்முரமாக இருக்குமாறு செய்தும் வாழ வேண்டும். ப்ரேமை ஒரு வியாபாரப் பொருளாக சீர் குலைந்து விடக் கூடாது. ப்ரேமை, ப்ரேமையில் தன்னை பூர்த்தி செய்து கொள்கிறது. பாரதத்தின் பல ஆன்றோர்கள் மற்றும் ஆன்மிக ஆசார்யர்களின் கருத்துக்களின் படி, ஒருவர், அசத்தியத்திலிருந்து சத்தியத்திற்கு முன்னேறுவதில்லை; ஆனால், ஓரளவான சத்தியத்திலிருந்து, முழுமையான சத்தியத்திற்கு முன்னேறுகிறார் என்பதே ஆகும். ஒவ்வொரு தனி ஆத்மாவையும், உயர, உயரப் பறந்து சென்று, அமானுஷ்யமான சக்தியைப் பெற்று, இறுதியாக அளவற்ற மகிமை மற்றும் கம்பீரத்துடன் சூரிய மண்டலத்தை அடையும் ஒரு கருடன் எனக் கூறலாம்.