உண்மையான கல்வி, மனதையும், புத்தியையும் பரிசுத்தமான (சாத்விக்) சந்தோஷத்தைப் பற்றி அறிவுறுத்தி, அதை நோக்கிச் செலுத்தும்.அதை, தளராத முயற்சியின் மூலம் மட்டுமே பெற முடியும். வேதங்கள், ‘’ சுகத்தை, சுகத்தின் மூலம் பெற முடியாது (ந சுகாத் லப்யதே சுகம்)’’ எனப் பறைசாற்றுகின்றன. துக்கத்தை அனுபவிப்பதின் மூலம் மட்டுமே சுகத்தைப் பெற முடியும். இந்த உண்மையை ஆன்மிகக் கல்வியின் (வித்யா) மூலம் மனதில் பதிய வைக்க வேண்டும். எப்போது ஒருவர் பரிசுத்தமான சந்தோஷம் அளிக்கும் ஆனந்தத்தைப் பற்றித் தெரிந்து கொள்கிறாரோ, அப்போதே ஆன்மிகக் கல்வி எளிதானதாகவும், ஏற்றுக் கொள்ளத் தக்கதாகவும் ஆகி விடுகிறது. மனிதர்களாகப் பிறந்த பிறகு, அனைத்து முயற்சிகளும், உலகியலான பொருட்களை மையமாகக் கொண்ட கல்வியுடன் கூடவே, இந்த அமரத்துவத்திற்கான கல்வியையும் அடைவதை நோக்கிச் செலுத்தப் பட வேண்டும்; ஏனெனில், அமரத்துவத்திற்கான கல்வியே ஆத்மாவை வெளிப்படுத்தி, மக்களை நிரந்தரமான ஆத்ம ஆனந்தத்தை அனுபவிக்குமாறு செய்யும்.