அளவுக்கு மீறிய பேச்சைக் குறைத்துக் கொள்ளுங்கள். உங்களுக்கு நீங்களே, ‘’ஓ! நாக்கே! நீ நல்ல சுவையை அறிவாய் மேலும் நீ மனித உடலின் ஒரு புனிதமான அங்கம். எப்போதும், கோவிந்தா, தாமோதரா, மாதவா என்ற இறை நாமங்களைக் கூறுவாயாக ‘’ என்று சொல்லிக் கொள்ளுங்கள். தீயவற்றைப் பார்ப்பது ஒன்று தான் கண் செய்யும் ஒரே பாபம். தீய விஷயங்களைக் கேட்பது ஒன்று தான் காது செய்யும் பாபம். ஆனால், நாக்கோ, நான்கு விதமான பாபங்களைச் செய்கிறது. அது பொய் பேசுகிறது, பிறரைக் குறை கூறுகிறது, மற்றவர்களைப் பற்றி வதந்திகளை எடுத்துச் செல்கிறது மேலும் அளவுக்கு மீறிப் பேசுகிறது.நாக்கு இப்படிப் பட்ட பாபங்களைச் செய்வதிலிருந்து நம்மைக் காத்துக் கொள்வதற்கு, இன்றிலிருந்து குறைவாகப் பேசுவதாக முடிவு எடுத்துக் கொள்ளுங்கள்.அளவுக்கு மீறிப் பேசுவது ஒருவரது மனதைக் காயப்படுத்தி, ஒருவரது ஞாபக சக்தியை அழித்து விடுகிறது. நீங்கள் அதிகமாகப் பேசும் போது, சக்தி குறைந்து, உங்களது நரம்புகள் தளர்ந்து விடுகின்றன. உங்களது நரம்புகள் தளர்ந்து விட்டால், நீங்கள் களைத்துப் போய் விடுகிறீர்கள்; உங்களது நாக்கு கட்டுப்பாட்டிற்குள் இருக்காது. அது உங்களுக்கு அவப்பெயரைக் கொண்டு சேர்க்கும். நீங்கள் அணுகி வரும்போது, உங்களது நண்பர்கள் உங்களை ஒரு சலிப்புத் தட்டச் செய்பவர் என்று கூறுவார்கள். எனவே தான் நமது மூதாதையர்கள் மௌனத்திற்கு அவ்வளவு முக்கியத்துவம் அளித்து, நீண்ட நேரம் வரை மௌனம் காத்து வந்தார்கள்.