உலகில் ஒவ்வொருவரும் வெற்றியையே விரும்புகிறார்கள்; எவரும் தோல்வியை விரும்புவதில்லை.அனைவரும் செல்வத்திற்காக ஏங்குகிறார்கள்; எவரும் வறுமைக்காக ஏங்குவதில்லை.ஆனால், வெற்றியையோ அல்லது செல்வத்தையோ எவ்வாறு அடைவது? இதை சிந்தித்துக் கண்டறிய வேண்டும். அதற்கான தீர்வை நாம் வெகு நேரம் தேட வேண்டியதில்லை.மஹாபாரதத்தின் படி, சஞ்சயன், அரசன் திருதராஷ்டிரனுக்கு இந்த ரகசியத்தை வெளிப்படுத்துகிறான், ‘’ எங்கு, யோகத்தின் இறைவனான ( யோகேஸ்வர) ஸ்ரீகிருஷ்ணரும், வில்லின் வீரனான அர்ஜூனனும் இருக்கிறார்களோ அங்கு வெற்றி நிச்சயம், செல்வமும் வெல்லப்படும். ‘’ இந்த அறிவுரையை விட நமக்கு மேலும் என்ன வேண்டும்? வெற்றியை அடைவதற்கு, மூன்று மடங்கான, உடல், மனம் மற்றும் புத்தி ரீதியான போராட்டத்தைச் செய்ய வேண்டிய அவசியமில்லை. மேலும் ஒருவர் குழப்பமோ அல்லது கலக்கமோ அடையத் தேவையில்லை. செல்வத்திற்கும் வளமைக்கும் ஏங்கத் தேவையில்லை. இறைவனிடம் சரணடைந்து, தைரியம் எனும் வில்லை ஏந்துங்கள் அதாவது இதயத்தைப் பரிசுத்தமாக வைத்துக் கொள்ளுங்கள். அதுவே போதுமானதாகும். வெற்றியும், செல்வமும் என்றென்றும் உங்களுடையதே!