கைகளுக்கு தானம், காதுகளுக்கு இறைவனது மகிமைக் கேட்பது, நாவிற்கு சத்தியத்தைப் பேசுவது என்ற மூன்று நிரந்தரமான ஆபரணங்கள் அனைவருக்கும் இருந்தாலும் கூட, மக்கள் நிலையற்ற, பயனற்ற உலகியலான பொருட்களை நாடுவதில் தங்களை ஈடுபடுத்திக் கொண்டு இருக்கிறார்கள். எதை அடைந்தால், பிற அனைத்தையும் அடைய முடியுமோ, அதை அடைவதற்கு நீங்கள் பாடுபட வேண்டும். எந்த இரண்டு தனி மனிதர்களையும் இணைக்கும் பிணைப்பு எது என்பதைப் புரிந்து கொள்வதே முதல் படியாகும். அது ப்ரேமையே அன்றி வேறில்லை. ப்ரேமையின் அடிப்படையில் தான் சமுதாயம் அனைத்தும் நெருக்கமாக பின்னப்பட்டுள்ளது. தேசம் என்றால் என்ன? அது வெறும் நிலம் அல்ல; சமுதாயமே ஒரு தேசம் அல்லது நாட்டை உருவாக்குகிறது. நாடு வளமாக இருந்து,ஆரோக்யமான வளர்ச்சியுடன் முன்னேறினால், தனி மனிதர்களின் தேவைகளும் கூட பூர்த்தி செய்யப் படுகின்றன.தனி மனிதன் சமுதாயத்தைச் சார்ந்திருக்கிறான்; ஒருவர் பிறந்து, வளர்ந்து , பேணப்படுவது சமுதாயத்தினாலேயே. எனவே, சமுதாயத்தின் பொதுவான நலத்தை மேம்படுத்துவதற்காக, தன்னலமற்ற சேவை ஆற்றுவது ஒவ்வொரு தனி மனிதனின் கடமையாகும்.