வெறும் சில நிமிட சிந்தனை, உலகியலான செல்வங்கள், புகழ் அல்லது சந்தோஷத்தின் வெற்றுத்தன்மையை எந்த ஒருவருக்கும் புரிய வைக்கும். நீங்கள் வளமுடன் இருக்கும் போது, ஒவ்வொருவரும் உங்களைப் புகழ்வார்கள். குளம் நிரம்பி இருக்கும் போது, நூற்றுக்கணக்கான தவளைகள் சுற்றிலும் கரகரப்பொலி செய்து கொண்டு இருக்கும்.எப்போது குளம் வற்றி விடுகிறதோ அப்போது ஒன்று கூட அங்கு இருக்காது. ஒரு பிணத்தின் மீது சில நகைகள் இருந்தால், பலர் அந்த இறந்தவரோடு சொந்தம் கொண்டாடுவார்கள்; அதன் மீது மதிப்புள்ள எதுவும் இல்லை என்றால் ஒருவர் கூட அதற்காக அழ மாட்டார்கள் என்கிறது ஒரு பழமொழி! எப்போது நீங்கள் உங்கள் வங்கிக் கணக்கில், பணத்தை மேலும் மேலும் சேர்த்துக் கொண்டே போகும்போது, நீங்கள், உங்கள் பிள்ளைகள் பரிசுத்தமான, சௌகரியமான மற்றும் மரியாதைக்குரிய வாழ்க்கை நடத்துவதைக் கடினமாக ஆக்கி, உங்களுக்கும் உங்கள் பிள்ளைகளுக்கும் பிரச்சனைகளை குவித்துக் கொண்டே போகிறீர்களா என்பதை சிந்தித்துப் பாருங்கள். துறவு மேற்கொண்டு, எளிதான உலகை உணரும் பாதையை விட, இறைவனை உணரும் கடினமான பாதையை நாடுபவர்களே எங்கும் போற்றப்படுகிறார்கள் என்பதை, சிந்தித்துப் பார்த்தால் நீங்கள் கண்டு கொள்வீர்கள்! புலன்களின் அடிமைப் படுத்தும் தன்மையை நீங்கள் உதறித் தள்ளும் அளவிற்கு, உங்களது வைராக்யம் வலிமையானதாக இருக்க வேண்டும்.