அன்னை ஈஸ்வராம்மா முறையாக கல்வி கற்றிருக்கா விட்டாலும் கூட, அவர் தன்னை ஒரு முன் மாதிரியாக நடத்திக் கொண்டார். அவர் ஆழ்ந்த ஞானம் படைத்தவராக இருந்தார். நாம் பிறரை விமரிசிக்கக் கூடாது. நாம் பிறரைக் காயப்படுத்தவோ அல்லது அவர்களை கேலி செய்யவோ கூடாது. நாம் அனைவரையும் நேசிக்க வேண்டும். இதைத் தான் அன்னை ஈஸ்வராம்மா அனைவருக்கும் போதித்தார். உங்களது கடமையை சிரத்தையாக ஆற்றுங்கள். பின்னர்,நீங்கள் கண்டிப்பாக வாழ்வில் முன்னேறுவீர்கள். யாராக இருந்தாலும், ஒருவர் முதியோர்களின் புனிதமான போதனைகளைப் பின்பற்ற வேண்டும். பல மாணவர்கள் தங்களது தாயார்களின் வார்த்தைகளைக் கேட்பதே இல்லை. இது ஒரு மிக அபாயகரமான தவறாகும்.தாய்மார்கள், தங்களது குழந்தைகளின் நலனை விரும்பி, தங்களது இதயத்திலிருந்து பேசுகிறார்கள். நீங்கள் அவர்களது உணர்வுகளைப் புரிந்து கொண்டு, அவர்களது வார்த்தைகளுக்கு உரிய மதிப்பை அளிக்க வேண்டும். உங்களது பெற்றோர்களின் கட்டளைகளுக்கு அடி பணியுங்கள். நீங்கள் அனைத்து விதமான கல்வி மற்றும் வலிமையைப் பெறுவீர்கள். நீங்கள் அவற்றைப் பெறுவதற்கு எந்த விதமான பிரத்யேக முயற்சியும் எடுத்துக் கொள்ளத் தேவை இல்லை. உங்களது பெற்றோர்களின் வார்த்தைகளை உதாசீனப் படுத்தாதீர்கள். அவற்றை ப்ரேமையுடன் பின்பற்றி, உங்களது வாழ்க்கையைப் புனிதமாக்கிக் கொள்ளுங்கள்.