நீங்கள் செய்து கொண்டு இருப்பது எதுவானாலும், அதில் முழுமையான பற்றின்மையுடன் இருக்க வேண்டும். நீங்கள் எந்தப் பணியை வேண்டுமானாலும் செய்யலாம்; உதாரணமாக, நீங்கள் சேவைப் பணியில் ஈடுபட்டு இருக்கலாம். இருந்தாலும்,உங்களுக்கு எந்த விதமான எதிர்பார்ப்பும் ( பலனையும் சேர்த்து) இருக்கக் கூடாது;மேலும், நீங்கள் செய்யும் எதற்காகவும் எந்தப் பரிசையோ, புகழ்ச்சியையோ, பாராட்டு முதலியவற்றையோ நாடக் கூடாது. அதிலும் குறிப்பாக, நீங்கள் சேவை நிறுவனங்களுக்காகப் பணி புரியும் போது, மிகவும் கவனமாக இருக்க வேண்டும்;உங்களுக்கு பெயர் மற்றும் புகழுக்கான எந்த ஆர்வமும் இருக்கக் கூடாது. நீங்கள் புகழ்ச்சியையோ, மரியாதையையோ தேடக் கூடாது. ‘’ நான் இவ்வளவு கடுமையாக உழைத்து இவ்வளவு செய்கிறேன்; ஆனால் இதைப் பற்றி செய்தித்தாள்களில் எதுவுமே வரவில்லையே ‘’ என்று நீங்கள் புலம்பக் கூடாது. நீங்கள் இப்படிப் பட்ட ஏக்கங்கள் மற்றும் எதிர்பார்ப்புக்களுடன் செயல்பட்டால், பின்னர் நீங்கள் செய்யும் நன்மை ரத்து செய்யப் பட்டு, பணியின் புனிதத்துவமும் அழிக்கப் பட்டு விடும். எனவே, வெற்றி மற்றும் தோல்வி, புகழ்ச்சி மற்றும் இகழ்ச்சி ஆகியவற்றைப் பற்றிய அக்கறை இன்றி நீங்கள் சேவைப் பணியை சிரத்தையுடன் ஆற்ற வேண்டும்.

இப்போதிலிருந்தே பற்றுதலை விடப் பழகிக் கொள்ளுங்கள்; கொஞ்சம்,கொஞ்சமாகப் பழக்கப் படுத்திக் கொண்டு வாருங்கள், ஏனெனில், என்றாவது ஒருநாள், நீங்கள் பிரியமானவை என்று பிடித்துக் கொண்டு இருக்கும் அனைத்தையும் விட்டு விட வேண்டி இருக்கும் - பாபா