எந்த ஒரு பயனுள்ள செயலையும் மேற்கொள்வதற்கு, நாம் உங்களுள் புதைந்து இருக்கும் தெய்வீக சக்தியை திறனாக மாற்ற வேண்டும். அறிவு, திறனாக மாற்றப் படும் போது, நீங்கள் வாழ்க்கையில் ஒரு சமநிலையைப் பெறுகிறீர்கள். இந்த சமச்சீரான நிலையில், நீங்கள் நுண்ணறிவை அபிவிருத்தி செய்து கொள்வீர்கள். இப்படிப் பட்ட நுண்ணறிவு மற்றும் தெய்வீக சக்தியால் உத்வேகம் பெற்ற நீங்கள் ஒரு சீரிய செயலை மேற்கொள்ள வேண்டும். அதன் பிறகே, அது அனைவருக்கும் பயனுள்ளதாகவும், நன்மை பயப்பதாகவும் இருக்கும். எப்போதும் ஒரு பரிசுத்தமான மனதுடன் சீரிய பணிகளை மேற்கொள்ளுங்கள். ஒற்றுமை, தூய்மையைக் கொண்டு வருகிறது; தூய்மை, தெய்வீகத்திற்கு இட்டுச் செல்கிறது. ஒற்றுமை, தூய்மை மற்றும் தெய்வீகத்திற்கு இடையே உள்ள பிரிக்க முடியாத உறவை நீங்கள் ஒரு போதும் மறக்காது, அதைப் பெற எப்போதும் பாடுபட வேண்டும். நீங்கள் அனைவரும் ஒன்று சேர்ந்து, தியாக உணர்வுடன் ஒன்றாகப் பணியாற்ற வேண்டும். ஆன்மிகம், ஒரு வியாபாரப் பணி அல்ல. ஆன்மிகம், தெய்வீகமானது. ஆன்மிகம், ஒற்றுமையுடன் சம்பந்தப் பட்டது. வேற்றுமையில் ஒற்றுமை மட்டுமே உங்களுக்குச் சந்தோஷத்தை அளிக்கும். நீங்கள் அந்த ஒற்றுமைக் கோட்பாட்டை வளர்த்துக் கொள்ள வேண்டும் என நான் விரும்புகிறேன். பின்னர் நீங்கள் மேற்கொள்ளும் ஒவ்வொரு செயலும் அதற்கேற்ற மதிப்பையும், புனிதத்துவத்தையும் பெற்று விடும் !