க்ஷமா (சகிப்புத் தன்மை) வெளியேறும் போது, உள் நுழையும் முதல் தீய குணம் பொறாமையே. சாதாரணமாக சீராக இருக்கும் வாழ்க்கை, பொறாமையால் எவ்வாறு சின்னா பின்னமாக்கப் படுகிறது என்பதற்கு மஹாபாரதம் ஒரு விவரமான சித்தரிப்பைத் தருகிறது. தங்கத் தீவான லங்கை ஒரு சொர்க்கமாகவே இருந்தது, ஆனால் ராவணனின் பொறாமை, அதை இடித்துத் தரை மட்டமாக்கி விட்டது. சகிப்புத் தன்மை உங்களுக்கு முழு பாதுகாப்பைத் தரும்; அது இல்லாமை உங்களை துன்பத்திலும், பேராபத்திலும் ஆழ்த்தி விடும். பொறுமையின்மை சுயநலத்தை வளர்த்து, பொறாமையை ஊக்குவிக்கும்; இவை இரண்டும் சேர்ந்து உள் சச்சரவுகளையும், பல விதமான பிரிவினை மனப்பாங்குகளையும் தூண்டி விடும். இந்த சீரிய குணமான சகிப்புத் தன்மை இல்லாமையே, நாம் அனுபவிக்கும் பல துன்பங்களுக்கும் பெரும்பாலும் காரணமாகும். பொறுமையின்மை மிகச் சிறந்த ஆன்மிக சாதகர்களையும் கூட நாசமாக்கியுள்ளது. சகிப்புத் தன்மை இல்லாமல் இருப்பது யோகிகளையும், ரோகிகளாக (நோயாளிகளாக) ஆக்கக் கூடியதாகும். சகிப்புத் தன்மை இன்றி, மனித குலம் சீரழிந்து வீழ்ச்சி அடையத் தொடங்குகிறது; இந்த குணத்தை வளர்த்துக் கொள்வது அது பன்மடங்கு முன்னேறுவதற்கு உதவி புரியும்!