தன்னம்பிக்கையை வளர்த்துக் கொள்வதே நீங்கள் செய்ய வேண்டிய முதல் காரியமாகும். தங்கள் மீதே நம்பிக்கை இல்லாத இப்படிப் பட்டவர்களே இங்கும் அங்கும் திரிந்து, பலவிதமான மாறுபட்ட வழிகளை மேற்கொள்ளுகிறார்கள். எப்போது நீங்கள் உடலை பல இடங்களுக்கு எடுத்துச் செல்லவோ, எப்போது நீங்கள் குறிக்கோள் இன்றி அலைந்து திரியவோ செய்கிறீர்களோ, அப்போது மனமும் வெவ்வேறு இடங்களுக்குச் சென்று விடுகிறது. முதல் வேலை, உங்கள் உடலை நிலையாக வைத்துக் கொள்வதே. உங்களிடம் தண்ணீர் நிரம்பிய ஒரு பாத்திரம் இருந்து, அந்தப் பாத்திரம் இடையறாது நகர்ந்து கொண்டே இருந்தால், அதில் உள்ளவையும் இடையறாது நகர்ந்து கொண்டே இருக்கும். எனவே, நாம் நமது உடலையும்,அவையவங்களையும், குறிக்கோள் இன்றி இடையறாது நகர்த்திக் கொண்டே இருக்கக் கூடாது; அதுவே நமது தியானப் பயிற்சியின் அத்தியாவசியமான அங்கமாகும். நாம் அமைதியாக அமர்ந்து, உடல் நிலையாக இருக்க வேண்டும். நாம் ஏன் தியானத்தின் போது மக்களை நிமிர்ந்தும் அமைதியாகவும் உட்கார வேண்டும் என்று கூறுகிறோம்? ஏனெனில் உடல் நேராகவும் அமைதியாகவும் இருந்தால், அக மனமும் நேராகவும், அமைதியாகவும் இருக்கும். அனைத்து அவையவங்களையும், உடல் உறுப்புக்களையும் நிலையாக வைப்பதை உறுதி செய்வதன் மூலம் உங்கள் உடலைக் கட்டுப் படுத்துவதே முதல் வேலையாகும்.