ஒரு போதும் பிறரை அவமதிப்பதில் ஈடுபடாதீர்கள்; ஏனெனில் ஒரே ஆத்மா தான் ஒவ்வொரு ஜீவராசியிலும் ஊடுருவி உள்ளது. நீங்கள் பிறரை தூஷித்தால், அது நீங்கள் உங்களையே தூஷித்துக் கொள்வது போலாகும். உங்களுக்கு அவர்களைப் பிடிக்கவில்லை என்றால், அவர்களிடமிருந்து நீங்கள் விலகி இருங்கள்; ஆனால் அவர்களை ஏசாதீர்கள். நீங்கள் உங்களது தீய குணங்களைக் கண்டறிந்து, அவற்றை விட்டு விடவில்லை என்றால், நீங்கள் எந்த அளவு நற்காரியங்களைச் செய்திருந்தாலும் அவை பயனற்றவையே. நீங்கள் பிறருக்கு நல்லதைச் செய்ய முடியாமல் போனாலும், குறைந்த பட்சம், நல்ல வார்த்தைகளைப் பேசுங்கள். நீங்கள் எப்போதும் உதவ முடியாமல் போகலாம், ஆனால் எப்போதும் நீங்கள் இதமாகப் பேசலாமே. யாராவது துன்பப் படுவதை நீங்கள் கண்டால், அவர்களுக்கு உதவ முயலுங்கள். இன்று அது அவர்களது முறை, அதுவே நாளை உங்களது முறையாக இருக்கலாம். இதை எப்போதும் மனதில் கொண்டு இருங்கள். எவரும் துன்பம் மற்றும் துயரத்திலிருந்து தப்ப முடியாது. எப்போதும் சத்யம் மற்றும் சீலத்தின் பாதையிலேயே செல்லுங்கள். ப்ரேமையே இறைவன். அவன் எது செய்தாலும் அது உங்களது சொந்த நன்மைக்காகவே. ‘’ எல்லா உலகங்களிலும் உள்ள அனைத்து மக்களும் சுகமாக இருக்கட்டும் ‘’ என்ற ப்ரபஞ்சமயமான பிரார்த்தனையைத் திரும்பத் திரும்பக் கூறி, அனைவரின் நலனுக்காகவும் பிரார்த்தியுங்கள்.