புனிதமானவர்கள் அமைத்த பாதையை அவ்வப்போது, அதன் வழியாகச் சென்றவர்களோலோ அல்லது அதன் மீது அதிகாரம் கொண்டவர்களாலோ பழுது பார்க்க வேண்டி வரலாம். இப்படிப் பட்ட மராமத்து வேலைகளுக்காகத் தான் இறைவன் ஒவ்வொரு சமயம், அனுமதிக்கப்பட்ட நபர்கள், முனிவர்கள் மற்றும் தெய்வீகப் பிறவிகளை அனுப்புகிறான். அவர்களது நற்போதனைகளால், கடந்த காலத்தில் தெய்வீகப் பிறவிகள் திறந்த பாதை மறுபடியும் தெளிவாகவும், சமச்சீராகவும் ஆக்கப் படுகிறது. இவ்வாறு, எப்போது, இறைவனது ஸங்கல்பம்,ஆன்மிக சாதகர்களின் தேவைகள் மற்றும், ஆன்றோர்களின் போதனைகள் ஆகிய மூன்றின் ஒன்றிணைந்த பலன் உண்டாகிறதோ, அப்போது உலகின் சந்தோஷம் உறுதி செய்யப் பட்டும், குறைவின்றியும் இருக்கும். மனித குலம் அனைத்தும் ஒரே நேரத்தில், கலகம், அநீதி,குழப்பம் மற்றும் பொய்மை ஆகியவை, சாந்தி, சத்யம், ப்ரேமை மற்றும் பரஸ்பர சேவையாக மாற வேண்டும் என பிரார்த்திக்கிறதோ, அனைத்து விஷயங்களும் நன்றாக ஆகி விடும், இதைத் தவிர வேறு வழியில்லை. கவலைப் படுவதில் பயனில்லை. மனச்சோர்வடைவதற்கான நேரம் இதுவல்ல. பலஹூனமாக இருப்பதாகக் கூறுவது மக்களின் இயல்புக்கு மாறானது. மற்ற அனைத்து வழிகளைத் தேடுவதை விட்டு விடுங்கள்! பிரார்த்தனை,பரஸ்பர ப்ரேமை, மரியாதை மற்றும் சேவை ஆகியவற்றை நாடுங்கள்; மேலும் தாமதிக்காதீர்கள்; வெகு விரைவில் திருப்தியையும், சந்தோஷத்தையும் நீங்கள் பெறுவீர்கள் !