நீங்கள் இறை நாமஸ்மரணைக்காகத் தேர்ந்தெடுத்து, போற்றி, நேசித்த இறை நாம, ரூபத்தை மாற்றாதீர்கள். இறை நாம, ரூபத்தை அறியாமல் மாற்றினால் அது ஒரு தவறல்ல; ஆனால்,ஒரு இறை நாம ரூபத்தை தொடர்ந்து சிரத்தையாக, ஸ்மரணை செய்து, தியானித்து விட்டு, அதை மாற்றுவது தவறு மற்றும் தீங்கு விளைவிப்பது என்று அறிந்த பின்னும் கூட, அதை மாற்றுவது கண்டிப்பாகத் தவறானதே. இறை நாமத்தை அடிக்கடி மாற்றினால், மனக்குவிப்பு இயலாத ஒன்றாக ஆகி விடும். உங்கள் மனம் ஒருமித்த மனக்குவிப்பை அடையவே முடியாது. ஆன்மிக சாதனையின் இலக்கு இந்த ஒருமித்த மனக்குவிப்பே. எனவே, இறைவனது பல திருநாமங்களை இடையறாது ஏற்பது மற்றும் விட்டு விடுவது என்பதைத் தவிர்த்து விடுங்கள்.ஜபம் மற்றும் தியானத்திற்கு ஒரு திரு நாமத்தைத் தேர்ந்தெடுத்துக் கொள்ளுங்கள். இறைவனது அனைத்து திருநாம, ரூபங்களும், நீங்கள் பிரார்த்திக்கும் அதே திரு நாம ,ரூபமே அன்றி வேறில்லை என்பதை ஆணித்தரமாகவும், முழுமையாகவும் நம்புங்கள். நீங்கள் தேர்ந்தெடுக்கும் இறை நாம, ரூபம், ஒரு சிறிதளவு கூட வெறுப்பு அல்லது அதிருப்தியின் உணர்வைத் தரக் கூடாது. நீங்கள் எந்த விதமான அசௌகரியங்களை எதிர் கொள்ள நேர்ந்தாலும், உங்களது ஆன்மிக சாதனையில் எந்த தடையோ அல்லது மாற்றமோ இல்லாமல், அந்த ஆன்மிக சாதனையை தொடர்ந்து செய்யுங்கள்.