எதை ஏற்பது, எதை நிராகரிப்பது என்பதைப் பற்றிய சந்தேகங்களால் குழப்பம் அடைந்திருப்பவர்களும்,மாயையால் கண்மூடப்பட்டவர்களும், இருள்- வெளிச்சம், இறப்பு- அமரத்துவம் ஆகியவற்றைப் பிரித்துப் பார்க்க முடியாவர்களும்- இந்த அனைவரும் அனைத்து சிருஷ்டியின் ஸ்வயம்பிரகாச அடிப்படையான நித்ய சத்தியத்தைப் புரிந்து கொள்வதற்கான பாதையைக் காட்டக் கூடிய ஆன்றோர்களை அணுக வேண்டும். பின்னர் இகமும், பரமும் அதே ஜோதியில் ஒன்றரக் கலந்து விடும் !இந்த உணர்தலுக்காக ஒருவர் ஆழ்ந்த தாபமும், கடினமான, கட்டுப்பாட்டான சாதனையும் கொண்டவராக இருக்க வேண்டும். இந்த மனிதப் பிறவி எண்ணற்ற நற்செயல்களின் பலனாகும், இதை உதறித் தள்ளி விடக்கூடாது; இந்த வாய்ப்பை முழுமையாகப் பயன்படுத்திக் கொள்ள வேண்டும்; மனித உருவில் உண்மையிலேயே மிருகங்களாகவும், தற்பெருமை மற்றும் மிருக குணங்களுக்கு அடிமையாகவும் இருக்கும் அனைவருக்கும், காலத்தைப் பற்றிய இந்த விழிப்புணர்வு மிகவும் முக்கியமானதாகும். எனவே, தங்களால் இயன்றவரை, ஆதாரமான கோட்பாடுகளைப் புரிந்து கொள்ளவும், ஆன்மிகப் பாதையைக் கடைப்பிடித்த ஆன்றோர்களின் போதனைகளைக் கற்றுத் தேர்வு பெறவும், முடிந்த வரை அவற்றை தங்களது சொந்த அனுபவத்தில் கொண்டு வரவும், பகுத்தறிய வல்ல மனிதன் பாடுபடுவான்.