வீடு பற்றி எரியும் போது, ஒரு கிணறு வெட்டத் திட்டமிடுவதால் என்ன பயன்? தோண்டுவதற்கு அப்போது எங்கே நேரம் இருக்கப் போகிறது? தண்ணீர் எப்போது கிடைக்கும்? தீயை நீங்கள் எப்போது அணைக்கப் போகிறீர்கள்? ஒருவேளை , முதலிலேயே, ஒரு கிணறு தயாராக இருந்திருந்தால், இப்படிப் பட்ட நெருக்கடியான சந்தர்ப்பங்களில் எவ்வளவு உதவியாக இருக்கும் ? வாழ்வின் இறுதித் தருணங்களில் இறைவனைத் தியானிக்கத் தொடங்குவது,வீடு பற்றி எரியும் போது கிணறு தோண்டத் தொடங்குவது போலாகும். எனவே, இப்போதே, நீங்கள் இறைவனை அவ்வப்போது தியானித்தால், அது இறுதி முடிவு நெருங்கி வரும் போது, உங்களுக்குப் பயனுள்ளதாக இருக்கும். நாளை செய்ய வேண்டிய ஆன்மிக சாதனையை இன்றே தொடங்குங்கள்! இன்று செய்ய வேண்டிய ஆன்மிக சாதனையை இப்போதே தொடங்குங்கள்! அடுத்த தருணத்தில் என்ன இருக்கிறது என்பதை எவரும் அறியார்; எனவே, ஒருவர் தன்னை ஆன்மிக சாதனையில் ஈடுபடுத்திக் கொள்வதில் எந்தத் தாமதமும் இருக்கக் கூடாது. அளவுக்கு மீறிய பராமரிப்பு பாதிப்பை ஏற்படுத்தும் என்றாலும் கூட, ஆன்மிக சாதனைக்கு உடல் வலிமையும் அவசியம் என்பதால், உடலையும் பேணிக் காக்க வேண்டும். எந்த அளவிற்குத் தேவையோ, அந்த அளவு அதை மிகுந்த கவனத்துடன் பராமரிக்க வேண்டும்.