சில நோய்களுக்கு மருந்துகள் வெளிப்புறத்தில் உபயோகிப்பதற்கு பரிந்துரைக்கப் படுகின்றன; அதே சமயம் மற்றவைகளுக்கு, அவை உட்புறத்தில் பயன்படுத்த அளிக்கப் படுகின்றன. ஆனால், இந்த பிரபஞ்ச மயமான நோயான பிறப்பு மற்றும் இறப்பு என்ற சுழற்சிக்கு (பவ ரோக), ஆன்மிகச் சொற்பொழிவுகளைக் கேட்பது (ஸ்ரவணம்), இறைவனது திருநாமத்தைப் பாடுவது (கீர்த்தனம்) மற்றும் பல மருந்துகள் அகத்திற்கும், புறத்திற்கும் பரிந்துரைக்கப் படுகின்றன. ஒருவர் இறைவனது திருநாமத்தைக் கூறுவதோடு அல்லாமல், கேட்கவும் வேண்டும். ஒளியின் இயல்பு எவ்வாறு அனைத்திற்கும் வெளிச்சத்தைப் பொழிவதோ, அவ்வாறே இறைவனும் அவனது அனைத்து குழந்தைகளின் மீதும் சமமான பாசம் கொண்டவன்.அந்த வெளிச்சத்தைப் பயன்படுத்தி, சிலர் நல்ல புத்தகங்களைப் படிக்கலாம், மற்றவர்கள் அவை எதுவாக இருந்தாலும், அவர்களது அன்றாட கடமைகளை ஆற்றலாம். அதைப் போலவே, இறை நாமத்தை உச்சரித்துக் கொண்டு, ஒருவர் இறைவனை உணர்தலை நோக்கி முன்னேறலாம்; மற்றொருவர் தீய செயல்களைக் கூடச் செய்யலாம்! அது, நீங்கள் வெளிச்சத்தை எவ்வாறு பயன்படுத்துகிறீர்கள் என்பதைப் பொறுத்தது. ஆனால், இறைவனது திருநாமம், என்றும், எக்காலத்திலும் களங்கமற்றது.