நாம் இப்போது, நடக்கும் ஆண்டுக்கு விடை கொடுத்து விட்டு, ஒரு புத்தாண்டை வரவேற்றுக் கொண்டு இருக்கிறோம் ! இவை இரண்டிற்கும் ஒரு நெருங்கிய உறவு உண்டு. நாம் மற்றொன்றை வரவேற்கும் அதே நேரத்தில், நாம் ஒன்றுக்கு விடை கொடுத்துக் கொண்டு இருக்கிறோம். அதே மாதிரி, நாம் நமது தீய குணங்களுக்கு விடை கொடுத்து விட்டு, நல்ல மற்றும் தெய்வீக குணங்களை வரவேற்க வேண்டாமா? உங்களது தீய குணங்களை எல்லாம் இறைவனுக்கு அர்ப்பணிக்கலாம். அதில் எந்தத் தவறும் இல்லை. உண்மையில், இறைவன் மட்டுமே அவற்றை எடுத்துக் கொண்டு, நற்குணங்களைப் பேணுவதற்காக, உங்கள் மீது அவனது கருணையைப் பொழிவான். உதாரணமாக, உங்களிடம் ஒரு, கறைபடிந்த, கிழிந்த அல்லது துண்டு துண்டான ஒரு நூறு ரூபாய் நோட்டு இருந்தால், அதை ஒருவரும் ஏற்றுக் கொள்ள மாட்டார்கள். ஆனால், அதில் அதன் எண் அழியாமல் இருந்தால், இந்திய ரிசர்வ் வங்கி அதை வாங்கிக் கொண்டு, அதே மதிப்புள்ள ஒரு நல்ல நோட்டை உங்களுக்குத் திரும்பித் தரும். அதைப் போல, நீங்கள் மனப்பூர்வமான பக்தி மற்றும் பச்சாதாபத்துடன் அர்ப்பணித்தால், தீய குணங்களை இறைவன் ஒருவனால் மட்டுமே அவற்றை ஏற்றுக் கொள்ள முடியும்; பதிலுக்கு அவன் தனது அளவற்ற கருணையை உங்கள் மீது பொழிந்திடுவான்!