இறைநாம ஸ்மரணை எனும் பக்தியின் விதையை உங்கள் மனதில் விதைத்து விடுங்கள். அது, ஒழுக்கம், சேவை, தியாகம், ப்ரேமை, சமச்சீரான மனப்பாங்கு, மனவலிமை மற்றும் தைரியத்தின் கிளைகள் கொண்ட ஒரு மரமாக வளர்ந்து விடும். அது எவ்வாறு சக்தி, புத்தி, உணர்வு மற்றும் ஆரோக்யமாக மாறுகிறது என்பதை நீங்கள் அறியாமலேயே, நீங்கள் உணவை விழுங்குகிறீர்கள். அதைப் போலவே, இந்த இறை நாமஸ்மரணை எனும் ஆத்மாவிற்கான உணவை விழுங்குங்கள்; அது நீங்கள் அறியாமலேயே, எவ்வாறு நல்லொழுக்கங்களாக புடமிட்டு பண்படுகிறது என்பதைக் கவனியுங்கள். ராவணன், ராமனும் காமனும் மனதில் ஒன்று சேர்ந்து இருக்க முடியாது என்பதைக் கண்டறிந்தான். இறைநாம ஸ்மரணையிலும், அந்தத் திருநாமத்தின் மதிப்பிலும் நிலைத்து இருப்பதை அபிவிருத்தி செய்து கொள்ளுங்கள்.பின்னர், இந்த உலகமே ‘’தீங்கு செய் ‘’ என்று சொன்னாலும், நீங்கள் அதற்கு அடிபணிய மறுத்து விடுவீர்கள்; உங்களது அமைப்பே அதற்கு எதிராகப் போராடத் துவங்கும். மேலும், இந்த உலகனைத்தும் உங்களைத் தடுத்தாலும், நீங்கள் சரியானவற்றைச் செய்வதையே வலியுறுத்துவீர்கள்.