உலக வாழ்க்கையில், சந்தோஷத்தையும், துயரத்தையும் அனுபவித்தே ஆக வேண்டும், ஏனெனில், அவை சூரிய உதயம் மற்றும் அஸ்தமனத்தைப் போலத் தவிர்க்க முடியாதவை. புத்தாண்டு உங்களுக்கு மேலும் சிறந்த அனுபவங்களைத் தரும் என நினைக்கிறீர்கள்; இது சரியல்ல.மனமே, இன்பத்திற்கும், துன்பத்திற்கும் காரணம்.உங்கள் மனம் நல்லதாக இருந்தால், நீங்கள் அனைத்தும் நல்லவையாக இருப்பதாகக் காண்பீர்கள். நீங்கள், பேரானந்தத்தைத் தவிர வேறு எதுவும் இல்லாத தெய்வீகத்தின் திருவுருவங்களே. அப்படி இருக்கும் போது, நீங்கள் துன்பப்படுகிறீர்கள் என்று கூறி இதற்காக வருந்துவது உங்களது தவறு தானே? சிலர் இடையறாத சந்தோஷத்தை விரும்புகிறார்கள். நீங்கள் காலை 10 மணிக்கு உணவு அருந்தினால், அடுத்து ஒவ்வொரு மணி நேரமும், இடைவெளியே இல்லாமல், சாப்பிட்டுக் கொண்டே இருப்பதில்லை. அதைப் போலவே, நீங்கள் இன்பத்தை அனுபவிக்கும் போது, அதைப் போன்ற மற்றொரு அனுபவத்தைப் பெறுவதற்கு முன், அது ஜீரணமாக வேண்டும். எவ்வாறு நீங்கள் உண்ட உணவு ஜீரணிக்க உதவுவதற்கு, நீங்கள் சில உடற்பயிற்சிகள் செய்ய வேண்டி உள்ளதோ, அவ்வாறே, இன்பத்தை அனுபவித்த பிறகு, நீங்கள் துன்பம் எனும் உடற்பயிற்சியை எதிர் கொண்டே ஆக வேண்டும். எனவே, இறைவன் அளிக்கும் எதுவானாலும், அது உங்களுக்கு நல்லதே என நீங்கள் எடுத்துக் கொள்ள வேண்டும்.