மனதை விசாலமாக்கி, வாழ்க்கையின் அக சத்தியத்தை ஆராயவல்ல உண்மையான ஞானத்தை உள்ளீர்த்துக் கொள்ள இயலாத ஒருவரால், உலகின் நலனைப் பேண முடியாது. உலகின் நலன், சமுதாயத்தின் நலனைச் சார்ந்தும், சமுதாயத்தின் நலன் தனி மனிதர்களின் நலனைச் சார்ந்துமே இருக்கிறது. இவை அனைத்தும் பரஸ்பரம் சார்ந்தவை. அவை ஒன்றுக்கொன்று ஒருங்கிணைந்தவை. எனவே, தனி மனிதர்கள், சிந்தனை, சொல் மற்றும் செயலில் நேர்மையானவர்களாக இருப்பது அவசியமாகிறது. சாந்தியைப் பற்றி கோஷமிட்டு விட்டு, ஆனால்,சாந்திக்கு ஊறு விளைவிக்கும் செயல்களில் ஈடுபடுவோரை, இந்த ஆன்மிகக் கோட்பாடு அன்புடன் எச்சரிக்கிறது. நல்லிணக்கம் மற்றும் ஒத்துழைப்பின் பின்னணியில் மட்டுமே மனித வாழ்க்கையை உண்மையாக புரிந்து கொள்ள முடியும். இதை உணருவதற்கு, ஒருவர், தன்னையே சமுதாய சேவையில் ஈடுபடுத்திக் கொள்ள வேண்டும். இப்படிப் பட்ட சேவை ஆன்மிக நம்பிக்கையில் வேறூன்றியதாகும்.