கல்வியை ஒரு புனிதமான முறையாகவும், சமுதாயத்திற்கு தன்னலமற்ற சேவை ஆற்றுவதற்கான ஒரு முன்னேற்பாடாகவும் கருத வேண்டும்.பல விதமான உடல் மற்றும் இதர ஊனங்களால் துன்பப்படும் எண்ணற்ற மக்கள் இந்த உலகில் இருக்கிறார்கள். அவர்களுக்கு சேவை ஆற்றி, முடிந்த வரை அவர்களது துன்பங்களுக்கு நிவாரணம் கிடைக்க உதவுவது படித்த மனிதர்களின் கடமையாகும். இறைவனுக்கு செய்யக் கூடிய மிகச் சிறந்த சேவை இதுவே. காற்று, தண்ணீர் மற்றும் நம்மைச் சுற்றியுள்ள பலவற்றில் மாசும், அசுத்தமும் உள்ளது. தூய்மையற்றவற்றை, தூய்மைப் படுத்த நீங்கள் பெற்ற அறிவைப் பயன்படுத்த வேண்டும். சமுதாயத்திற்குச் சேவை ஆற்றுவதே கல்வியின் பிரதான நோக்கமாக இருக்க வேண்டும். சாயியின் மாணவர்கள், தங்களது அறிவை, வாழ்க்கைக்குச் சம்பாதிப்பதற்காக மட்டும் அல்லாமல், அவர்கள் வாழ்க்கையின் எந்தத் துறையில் ஈடுபட்டு இருந்தாலும், தங்களது திறமைகளையும், சக்தியையும், அவர்களுக்கு கிடைக்கும் எல்லா வழிகளிலும், சமுதாயத்திற்குச் சேவை ஆற்றுவதற்கு அர்ப்பணிக்க வேண்டும்.