இறைவன், அஹங்காரத்தின் மேகங்களால் மறைக்கப் பட்டுத் தடுக்கப் படுகிறான். அஹங்காரத்தை விட்டொழிப்பதே செய்ய வேண்டிய ஆன்மிக சாதனையாகும்.மரத்திலிருந்து ஒரு பாடத்தைக் கற்றுக் கொள்ளுங்கள். அது பழங்களால் பழுத்துக் குலுங்கும் போது,தனது தலையை அகம்பாவத்தால் உயர்த்திக் கொள்வதில்லை; தனது சாதனைக்கு எந்த விதமான புகழையும் எடுத்துக் கொள்ளாதது போலவும் நீங்கள் பழத்தைப் பறித்துக் கொள்வதற்கு உதவுவது போலவும் அது வளைந்து குனிந்து கொள்கிறது. பறவைகளிலிருந்து ஒரு பாடத்தைக் கற்றுக் கொள்ளுங்கள். அதிக தூரம் பறக்க முடியாதவைகளுக்கு அவை இரை ஊட்டும்; எருமை மாட்டின் அரிப்பிற்கு நிவாரணம் அளிக்க இந்தப் பறவை தனது அலகினால் சொறிந்து விடும்; அவை ஒருவருக்கு ஒருவர், எந்தப் பலனையும் எதிர் பார்க்காது உதவி மற்றும் சேவை செய்வர். உயர்ந்த திறன்களும், புத்தியும் கொண்ட மனிதன் இன்னும் எவ்வளவு அதிக விழிப்புடன் இருக்க வேண்டும் ? சேவையே அஹங்காரத்திற்கான மிகச் சிறந்த நிவாரணம் ஆகும்; எனவே அதில் ஈடுபட்டு,உங்களால் முடிந்த வரை வலி மற்றும் துன்பத்திலிருந்து நிவாரணம் அளியுங்கள். பிறரின் துயரத்தை, உங்களால் முடிந்த வரை தணியுங்கள்; இதுவே ஆன்மிக சாதகருக்கான மிகச் சிறந்த சாதனையாகும்.