ஒற்றுமையே வலிமை. அது அனைவரின் நலனையும் வளர்க்கிறது. ஒற்றுமை மற்றும் முன்னேற்றத்திற்காகப் பாடுபாடாவிட்டால், ஒருவர் சமுதாயத்திற்கு எவ்வாறு சேவை ஆற்ற முடியும்? சிறு எறும்புகள் கூட ஒன்றிணைந்து செயல்பட்டால், ஒரு பாம்பைக் கூட அழித்து விட முடியும். இன்று தேசத்தில் ஒற்றுமை குலைக்கப் பட்டு வருகிறது. ஒவ்வொரு இல்லத்திலும் வேற்றுமைகள் இருக்கின்றன. ஒற்றுமை இல்லாத நிறுவனங்கள் இறுதியில் சரிந்து விடுகின்றன. பிளவு பட்ட ஒரு தேசம் அழிவை எதிர் நோக்க வேண்டி வரும். எனவே, தேசத்தின் நலனுக்காக அனைவரும் ஒற்றுமையுடன் வாழ வேண்டும். உயர்ந்தவர், தாழ்ந்தவர் என்ற வித்தியாசங்களை விட்டு விட வேண்டும். தேசத்தின் நலனை மட்டுமே மனதில் கொண்டு இருக்க வேண்டும். ஒற்றுமையை இழந்து விட்டால், ஒருவர் எதை சாதிக்க முடியும்? ஒரு இல்லத்தில் மூன்று பேர் இருந்தால், அந்த மூவரும் இசைவோடு வாழ்ந்தால் மட்டும் தான், அந்த இல்லத்தில் சாந்தி இருக்க முடியும். ஒவ்வொருவரிடமும் மூன்று அம்சங்கள் உள்ளன; மனஸ் ( மனம் ), வாக் ( வாக்கு ), காயம் ( செயலாற்றும் உறுப்புக்கள் ). இந்த மூன்று அம்சங்களும் இசைவோடு செயல்பட்டால் தான் ஒருவருக்கு சாந்தி இருக்கும்.