மாணவ மணிகளே! தேசத்தின் அனைத்து தரப்பு நலனையும் ஊக்குவிப்பதில் ஒரு தலைமை ஏற்று நடத்த வேண்டிய கல்வி நிறுவனங்கள், தேசத்தை தவறான பாதையில் இட்டுச் சென்று கொண்டு இருக்கின்றன. மனிதப் பண்புகளான தியாகம், நேர்மை, நீதி, மற்றும் ஒழுக்கம் ஆகியவை மறைந்தே போய் விட்டன. பெரியவர்களின் மீது இருக்க வேண்டிய பயபக்தி மற்றும் மரியாதை முற்றிலும் இல்லை. இன்று நமக்குத் தேவை ஒரு புதிய கல்வி முறையோ, ஒரு புது சமுதாயக் கோட்பாடோ, ஒரு புதிய மதமோ கூட இல்லை. நமக்கு உத்தம புருஷலு ( சீரிய மற்றும் உயர்ந்த இலட்சியம் கொண்ட ஆண்களும், பெண்களும் ). அதன் பின்னரே, தேசம் வளம் பெறும். பிற பல்கலைக் கழகங்களின் நிலைமை எப்படி இருந்தாலும், சத்ய சாய் பல்கலைக் கழக மாணவர்கள் ஒரு உன்னதமான மற்றும் இலட்சிய வழியில் நடந்து காட்ட வேண்டும். ஒழுக்கம், ஆன்மிகம் மற்றும் சமுதாயப் பண்புகளைப் பேணிக் காத்திடுங்கள். நல்லொழுக்கத்தை நிலை நாட்டுவதற்கு உங்களது வாழ்க்கையை அர்ப்பணியுங்கள். அன்பான மாணவ மணிகளே! கல்வியின் இலட்சியங்களை நிலை நாட்டுங்கள். இறைவன் பால் ப்ரேமையை வளர்த்துக் கொண்டு, ஒவ்வொருவரிலும், இறை பக்தி ஏற்படுவதற்கு உத்வேகம் அளியுங்கள். இறைவினில் வாழுங்கள் ! மற்றவர்களையும் இறைவனில் வாழுமாறு செய்யுங்கள் !