ஒவ்வொருவரையும் உங்களது சகோதர, சகோதரிகளாக நடத்துங்கள்.சில சமயங்களில் கருத்து வேறுபாடுகள் இருக்கலாம், ஆனால் அது வெறுப்பிற்கும், பகைமைக்கும் இட்டுச் செல்லக் கூடாது. வேறுபாடுகள் நம்மைப் பிரித்து விடக் கூடாது. சாய் நிறுவனத்தின் அங்கதினர்கள் இப்படிப் பட்ட ஒற்றுமையைப் பேணிக் காக்க வேண்டும். எந்த மோதல்களும் இல்லாமல் இருக்கட்டும். ஒரே குடும்பத்தின் பிள்ளைகளைப் போல வாழுங்கள். சாய் நிறுவனத்தை ஒத்த வேறு எந்த நிறுவனமும் இந்த உலகில் இல்லை என்று சொல்லும் அளவிற்கு ஒரு நல்ல பெயரைப் பெறுங்கள். ப்ரேமையை வளர்த்துக் கொண்டு, ஒன்றிணைந்து பணி புரியுங்கள். கையின் ஐந்து விரல்களும் ஒன்றாகச் சேர்ந்தால் தான் எந்தப் பணியையும் செய்து முடிக்க முடியும். ஒருவர் நிறுவனத்தின் தலைவராக இருக்கலாம்- அவர் தனது மனம் போனபடி எல்லாம் நடக்கலாம் என்பது இதன் பொருள் அல்ல. இப்படிப் பட்ட மனிதர்கள் சாய் நிறுவனத்தில் இல்லை என்ற உண்மையை நான் அறிவேன். இருந்தாலும் நான் உங்களை எச்சரிக்கிறேன். சமிதி, சேவாதள், பால விகாஸ் போன்ற நிறுவனத்தின் அனைத்து கிளைகளும் இசைந்து பணியாற்ற வேண்டும். வெவ்வேறு கிளைகளையும் ஒரே கரத்தின் விரல்களாகக் கருதி, ஒன்றிணைந்து பணியாற்றுங்கள்.