இறைவனுக்குப் பிடித்த ஆறாவது மலர் தவம் (தபஸ்). தவம் என்றால், மனைவி மக்களைத் துறந்து விட்டு, காட்டின் தனிமைக்குத் தப்பி ஓடி விடுவது என்பதல்ல. உண்மையான தவம் என்பது சிந்தனை, சொல் மற்றும் செயலுக்கு இடையில் முழுமையான ஒருங்கிணைப்பே ஆகும்.ஒரு தீய மனிதனால், இதைப் பெறவே முடியாது; அவர்கள் தங்களது சொந்த இயல்புக்கே மாறாகவே நடந்து கொள்கிறார்கள். எப்போது ஒரு மனிதன் இப்படிப் பட்ட தவத்தில் வெற்றி பெறுகிறானோ, அப்போது, அவர்கள் உச்சரிக்கும் வார்த்தைகளுக்கு எவ்வளவு சக்தி இருக்கும் என்றால், அவர்கள் எதைக் கூறினாலும் அது மந்திரங்களாக மாறி விடும்! ஏழாவது மலர் தியானம் ஆகும். இன்று பல விதமான தியானங்கள் இருக்கின்றன! அமைதியாக அமர்ந்து கொண்டு, உங்களது உணர்வுகளையும், உணர்ச்சிகளையும், இறைவனிடம் ஒப்படைத்து விடுவது தியானமாகாது என்பதை நினைவில் கொள்ளுங்கள். நீங்கள் உங்களது உணர்ச்சிகள், ஆசைகள் மற்றும் உணர்வுகளை இறைவனின் துணை கொண்டு தெய்வீக குணங்களாகப் பண்படுத்த வேண்டும்- அதுவே உண்மையான தியானம்! உங்களது தியானத்தின் மூலம் நீங்கள் இறைவனை உங்கள் அளவிற்குத் தாழ்த்தி விடக் கூடாது; நீங்கள் உங்களையே, இறைவனின் அளவிற்கு உயர்த்திக் கொள்ள வேண்டும்!