நல்லொழுக்க சீலமான அஹிம்ஸையே, இறைவன் மிகவும் விரும்பும் முன் முதல் ஒழுக்க மலராகும்.உயிருள்ள ஜீவராசிகளைக் காயப்படுத்துவதைத் தவிர்த்து விடுவதை விடவே, இது மேலும் அதிக அம்சங்களைக் கொண்டதாகும். எந்த ஜீவராசியையும் செயல்களால் மட்டும் அல்லாது சொற்கள் மற்றும் சிந்தனைகளாலும் கூட ஒருவர் துன்பப்படுத்தக் கூடாது. மற்றொருவரை காயப்படுத்துவது அல்லது அவமானப்படுத்துவது என்ற சிந்தனையைக் கூட ஒருவர் வரவழைத்துக் கொள்ளக் கூடாது. இறைவன் விரும்பும் இரண்டாவது மலர் புலனடக்கம்(இந்திரிய நிக்ரஹம்) ஆகும். ஒருவர், புலனின்பங்கள் மற்றும் புலன்களின் சந்தோஷங்களுக்குப் பின்னால் அலையக் கூடாது. இறைவனுக்கு மிகவும் பிடித்த மூன்றாவது மலர் பரிவு ( தயை ) ஆகும். உண்மையில், ‘’ அனைத்துமே இறைவன் ‘’ என்பதால், அனைத்து ஜீவ ராசிகள் மற்றும் பொருட்கள் மீது காட்டும் பரிவு (ஸர்வபூத தயா) இறைவனை மகிழ்விக்கும்! எந்தக் கடவுள் மீதும் நாம் செலுத்தும் போற்றுதல் மற்றும் மரியாதை, பரம்பொருளையே சென்றடைகிறது (ஸர்வ தேவ நமஸ்காரம் கேசவம் பிரதிகச்சதி) என சாஸ்திரங்கள் நமக்கு போதிக்கின்றன என்பதை நீங்கள் எப்போதும் நினைவில் கொள்ள வேண்டும். எந்த ஜீவராசிக்கும் ஏற்படுத்தும் அவமானமும் அந்தப் பரம்பொருளையே சென்றடைகிறது (ஸர்வ ஜீவ திரஸ்காரம் கேசவம் பிரதிகச்சதி ) என்பதும் கூட அதே அளவு ஏற்புடையதே என மதிக்கப்பட வேண்டும்.