சுடரொளி வீசும் சூரியனை, அதன் சொந்த ஒளியில் தான் காண முடியும். அதைப் போலவே,இறைவனின் அருளால் மட்டுமே தெய்வத்தின் ஒரு தரிசனத்தைப் பெற முடியும். இறைவனை அனுபவிப்பதற்கு, எந்த விதமான திறனோ, புத்தி சாலித்தனமான முயற்சியோ அல்லது பாண்டித்யமோ தேவை இல்லை. எவ்வாறு மேகங்கள் சூரியனை மறைக்கின்றனவோ, அவ்வாறே, அஹங்காரம், பற்றுதல் மற்றும் த்வேஷத்தின் மேகங்கள், ஒருவர் இறைவனைக் காண்பதிலிருந்து தடுக்கின்றன. பிரார்த்தனை மற்றும் ஆன்மிக சாதனை ஆகியவையே, இந்த மேகங்ளைக் கலைப்பதற்கான முறைகளாகும். ஆன்மிக சாதனையே, இறைவனை அடைவதற்கான ராஜ பாட்டையாகும். மனிதன், நல்ல மற்றும் தீய இயல்புகளின் ஒரு கலவையே. நல்ல இயல்புகள் மேலோங்கி இருக்கும் ஒருவர், பிறரிடம் நல்லவற்றையே காண முனைவார். சமச்சீரான மனப்பாங்கு கொண்டவர்கள், நல்ல மற்றும் தீய குணங்களைப் பட்சபாதமின்றிக் காண்பார்கள். எனவே, நற்குணங்களை அபிவிருத்தி செய்து கொள்வது அவசியமாகும். இந்த உலகை இறைவனின் பிரதிபிம்பமாக நோக்க வேண்டும். அனைத்து செயல்களையும் இறையார்ப்பணமாகச் செய்தல் வேண்டும்.