கனவில், ஒரு நல்ல பாம்பு தன்னைக் கடித்து விட்டதே என்று கதறி அழும் ஒருவனை வெறுமனே தட்டி எழுப்புவதன் மூலம் குணப்படுத்தி விடலாம். எந்த மருத்துவரும் தேவை இல்லை.அதைப் போலவே, அஞ்ஞானத்தால் வருந்திக் கொண்டிருந்த அர்ஜூனனுக்கு ஆன்மிக ஞானம் கொடுக்கப் பட்டவுடன், அவன் குணமடைந்து ,தன் கடமையை ஆற்றினான்.வலி, பாம்பு என்ற இரண்டும், கனவு காண்பவர் விழித்துக் கொண்டவுடன் மறைந்து விட்டன. ஒரு கதவைத் திறப்பதற்கு நீங்கள் சாவியை வலது பக்கம் திருப்ப வேண்டும்! அதைப் போலவே, நீங்கள் இறைவன் மற்றும் தர்மத்தின் பக்கம் உள்நோக்கித் திரும்ப வேண்டும்; பின்னர் உங்கள் இதயத்தின் பூட்டு திறந்து, பந்தத்தின் சங்கிலிகள் கழண்டு விழுந்து விடும். சாவியை இடது பக்கம் திருப்புங்கள்; கதவு மூடிக் கொள்வது போல, நீங்களும் கட்டுண்டு விடுவீர்கள் ! இந்த ஆன்மிக விழிப்பிற்கு முதல் தேவை இறைவன் மீது நம்பிக்கையும், தன் மீதே நம்பிக்கையும் தான் ! உங்கள் மனதை மட்டும் வென்று விட்டால், நீங்கள் மலைகளைக் கூட நகர்த்த முடியும்! உங்கள் புலன்களை அடக்கி, உங்களது உபகரணங்களை உபயோகமான வழிகளில் பயன்படுத்துங்கள்; அது உங்களுக்கும், மற்றவர்களுக்கும் சந்தோஷத்தைத் தரும்.