எப்படி நீங்கள் ஒவ்வொரு வேலைக்கும் குறைந்த பட்ச தகுதிகளைப் பரிந்துரைக்கிறீர்களோ, அவ்வாறே, அஹங்காரத்தை சரணடையச் செய்வது, புலடனக்கம் மற்றும் சீரான உணவு மற்றும் நடத்தை ( ஆஹார, வியவஹார) ஆகியவையே, இறை அருளைப் பெறுவதற்கான குறைந்த பட்ச தகுதிகளாகும். ஒரு தனிமனிதன், அவன் வைத்துக் கொள்ளும் நட்பு வட்டத்தினாலேயே மேன்மையோ அல்லது வீழ்ச்சியோ அடைகிறான். நல்லோரின் நட்பு வட்டத்தில் சேரும் ஒரு தீய பண்புள்ள ஒருவன், அவனது தீய குணங்களை விரைவாக விடுத்து, நற்குண சீலனாகப் பிரகாசிக்கிறான். ஆனால், தீயோரின் நட்பு வட்டத்தில் சேரும் ஒரு நல்ல மனிதன், அவற்றின் நுண்ணிய தாக்கத்தால் பாதிக்கப் பட்டு, தீயவற்றில் வழுக்கி விழுந்து விடுகிறான். குறைவாக இருப்பது, அதிகமாக இருப்பதால் வெல்லப் பட்டு விடுகிறது. ஒரு துளி புளிப்பான தயிர், பாலைத் தோயச் செய்து, அதிலிருந்து வெண்ணெயைப் பிரித்து எடுத்து விட்டு, அதை மோராக ஆக்கி விடுகிறது. இப்படிப் பட்ட மனமாற்றத்திற்கு புனித நூல்கள் அதே அளவு மதிப்பு வாய்ந்தவையே; ஆனால், அவற்றை வெறுமே படிப்பது, மனப்பாடம் செய்வது அல்லது ஓதுவது என்பது மட்டும் போதாது. அவற்றைப் புரிந்து கொண்டு, அவற்றைப் பற்றிச் சிந்தித்து, அதிலிருந்து கற்ற மற்றும் ஊகித்த பாடங்களை அன்றாடப் பயிற்சியில் பயன்படுத்த வேண்டும்.