தரையில் இரை தேடிக் கொண்டு இருக்கும் கோழிக் குஞ்சுகளைக் கவ்விச் செல்லும் கழுகைப் போல மரணம் பாய்ந்து கொண்டு வருகிறது. உங்களை நான் எவ்வாறு என்னிடம் அழைத்துக் கொள்ள வேண்டும் ? உங்களது கடந்த மற்றும் நிகழ்காலம், குற்றம் மற்றும் தண்டனை, சாதனைகள் மற்றும் பரிசுகள் இவை எல்லாம் எனக்குத் தெரியாததா? இந்த உலகில் சிலரது வருகை அல்லது வேறு சிலர் இதிலிருந்து செல்வது ஆகியவற்றால் நான் பாதிக்கப் படுவதில்லை. சில சமயங்களில் எனது அருளால் மாற்றம் செய்யப்பட்டு, சரியான மற்றும் தர்மமானவற்றை நான் செய்கிறேன். ஆத்ம தத்துவத்தில் வாழுங்கள்; அது சாந்தியை உறுதி செய்யும். விருப்பு மற்றும் வெறுப்பு எனும் விஷம் உங்களுள் இருக்கும் போது, நீங்கள் எவ்வாறு ஆரோக்யமாக இருக்க முடியும்? நீங்கள் ஆத்ம தத்துவத்தை அனுபவித்து விட்டால், நீங்களும் பகவானாகவே ஆகி விடுவீர்கள்.அதனால் தான் நான் உங்களை திவ்யாத்ம ஸ்வரூபங்களே என அழைக்கிறேன். நீங்கள் ஒவ்வொருவரும் உங்களது தனிப்பட்ட ஜீவனை, பரமாத்மாவுடன் இரண்டறக் கலக்கச் செய்து, உங்களையே பகவானாக ஆக்கிக் கொள்ள வேண்டும். எனது இயல்பு நிரந்தரமான ஆனந்தமே. நீங்களும், எனது கட்டளைகளைப் பின்பற்றி, எனது போதனைகளைக் கடைப்பிடிப்பதன் மூலம் ஆனந்தத்தை அனுபவிக்க வேண்டும்.