ருக்மணி கல்யாணத்தின் கதை, வெறும் ஒரு திருமணத்தின் கதை அல்ல. புருஷா ( பரம்பொருள் ) , ப்ருக்ருதியுடன் ( படைப்பு ) ஒன்றிணைந்ததன் கதையேதான் அது. ருக்மணி, தனிப்பட்ட ஆத்மா ( ஜீவாத்மா ), ஸ்ரீகிருஷ்ணரே பரம்பொருள் ( பரமாத்மா ). ருக்மணி, இந்தப் படைப்பு திணிக்கும், சட்ட, திட்டங்களால் துன்பத்திற்கு ஆளானாள்; அஹங்காரமே அவளது சகோதரன், உலகியலானவையே அவளது தந்தை. இந்த உண்மையை சிந்தித்துப் பாருங்கள்; ருக்மணி, ஸ்ரீகிருஷ்ணரை முன்பே சந்தித்ததில்லை; அவளது ஆத்மா பகவானுக்காக தீவீரமாக ஏங்கியது. தனது ஆத்மார்த்தமான நன்னடத்தையுடன் அவள் இறைவனிடம் அடைக்கலம் நாடினாள். அவளது பெற்றோர்கள், சகோதரன் மற்றும் அனைத்து உறவினர்களும் ஆட்சேபித்தார்கள்; ஆனால், ஒவ்வொரு ஜீவாத்மாவும், ஏதோ ஒருவரது கனவில் ஒரு பாத்திரம் ஏற்று நடிப்பதற்காக அன்றி, தனது ஊழ்வினையைக் கழிப்பதற்காகவே பிறப்பு எடுக்கிறது. ஒவ்வொருவரும் தனது தண்டனையை ஏற்று முடிப்பதற்காகவே பிறக்கிறார்; இறுதியில் சுதந்திரம் அடைகிறார். தங்களுக்குப் பிரியமான தோழர் இன்னும் சிறையில் இருக்கிறார் என்பதற்காக, எவரும் சிறையிலேயே இருக்க மாட்டார்கள் ! அவளது பிரார்த்தனைகள், தவம்,ஏக்கம் மற்றும் மன உறுதிக்கு அபரிமிதமாக அருள் கிட்டுகிறது; இறைவனே அவளை ஏற்றுக் கொள்ள விரைந்தோடி வந்தார் !