ஒரு டம்ளர், நீரால் பாதி நிரம்பி இருப்பதைப் பார்க்கும் நன்னம்பிக்கை கொண்ட ஒருவர் அது பாதி நிரம்பி இருக்கிறதே என மகிழ்கிறார்; அதே சமயம் அவநம்பிக்கை கொண்ட ஒருவர் அது பாதி காலியாக இருக்கிறதே என்று வருத்தப் படுகிறார். இந்த இரண்டு கூற்றுக்களும் உண்மைதான் என்றாலும், நன்னம்பிக்கை கொண்டவர், அந்த அடுத்த பாதியையும் கூட நிரப்ப முடியும் என்று நம்புகிறார்; ஆனால் அவநம்பிக்கை கொண்டவர், விரக்தியடைந்து கைவிட்டு விடுகிறார். நன்னம்பிக்கை கொண்டவரிடம் விசுவாசமும்,நம்பிக்கையும் உள்ளது; அவநம்பிக்கை கொண்டவர் நம்பிக்கை இல்லாததால் அவதிப்படுகிறார். எனவே, சீரான முயற்சியினால் நம்பிக்கையை வளர்த்துக் கொள்ளுங்கள். ஒவ்வொரு துறையிலும் முன்னேற்றம் பெறுவதற்கு நம்பிக்கை அத்தியாவசியமாகும். அறிவின் மூலம், நம்பிக்கை மற்றும் முயற்சியைக் கொண்டே ஞானத்தை அடைய முடியும். இவற்றைக் கொண்டு, நீங்கள் மிக உயர்ந்த நிலையை அடைந்து, வெற்றி வாகை சூட முடியும். இருந்தாலும், வெறும் உலகியலானவற்றில், அதிகமான நம்பிக்கையை வளர்த்துக் கொள்வதற்கு எதிராக ஒருவர் எச்சரிக்கை செய்யப் பட வேண்டும்! நித்ய சத்யமான இறைவன் மீது மட்டுமே நீங்கள் ஆழ்ந்த நம்பிக்கையை வளர்த்துக் கொள்ள வேண்டும் ! நம்பிக்கையே சக்தி. அந்த நம்பிக்கை, முயற்சியுடன் இணைந்து இருக்க வேண்டும். விசுவாசம் நாம் வாழ்வதற்கு இன்றியமையாததான சுவாசம் போன்றதே ! நம்பிக்கை இன்றி , சந்தோஷமாக வாழ்வது என்பது இயலாத ஒன்றே !