ஞாபகம் வைத்துக் கொண்டு, விழிப்புடன் இருங்கள்! வார்த்தைகள், பல விதங்களில், சேதத்தை இழைக்கக் கூடும். எப்போதெல்லாம், நாம் பிறரைப் பற்றி, இழிவாகவோ, அவதூறாகவோ, எகத்தாளமாகவோ அல்லது த்வேஷமாகவோ பேசுகிறோமோ, அவை நமது சொந்த மனதிலேயே பதிவாகி விடுகின்றன. நாம் சிலவற்றை ஒரு பதிவேட்டில் பதியும்போது, அவர்கள் மறைந்த பின்பும் கூட அவை நிலைத்து இருக்கின்றன. அதைப் போலவே,தீய சிந்தனைகளின் பதிவுகளும்,தாக்கங்களும், குரூரமான வார்த்தைகளும், தீய சதிகளும், ஒருவரது பௌதீக உடல் மறைந்த பின்பும் கூட வாழ்ந்து கொண்டே இருக்கும். எனவே, ஒருபோதும்,பிறரைப் பழிக்கும், அவமானப் படுத்தும் அல்லது பாதிக்கும் வார்த்தைகளைக் கூறவோ அல்லது கேட்கவோ செய்யாதீர்கள். அவதூறு ஒரு நேரடியான பாவமாகும். எனவே தான் நமது பண்டைய மற்றும் புத்திசாலிகளான முனிவர்கள் , மௌனத்தை ஒரு ஆன்மீக சாதனையாக அறிவுறுத்தி உள்ளார்கள். இளைஞர்கள், மாணவர்கள் மற்றும் பெரியவர்கள் என அனைவரும் பேசுவதை மிக குறைந்த அளவுக்குக் கட்டுப் படுத்துவதன் மூலம் வெகுவாகப் பயனடைந்து, அதை இசைவையும், ஆனந்தத்தையும் வளர்ப்பதற்காக மட்டுமே பயன்படுத்த வேண்டும். உங்களை நீங்களே பயனுள்ள பணிகளில் ஈடுபடுத்திக் கொள்ளுங்கள். சும்மா இருக்கும் போது, உங்கள் மனம் சிந்தனைகளின் பித்துப் பிடித்த பிரதேசங்களில் திரிகிறது. நற்சிந்தனைகள், தூய பழக்கங்கள், நல்லொழுக்கங்கள் மற்றும் நற்செயல்கள் – இவை வாழ்க்கைக்கு அழகையும், ஆனந்தத்தையும் அளிக்கின்றன. இவை சீரீய வாழ்க்கைக்கு நற்சுவையை அளிக்கின்றன