தியாகம் என்றால், உங்களது மனைவி, மக்கள் மற்றும் சொத்துக்களை விட்டு விட்டு காட்டுக்குச் செல்வது என்பதல்ல. தியாகம் செய்ய வேண்டியது, ஒருவரது செயல்களின் பலன்கள், அவற்றின் விளைவுகள் ஆகியவற்றிற்காக ஏங்குவதையே. அதுவே, உண்மையான தியாகமாகும். நீங்கள் கண் மூடித் தனமான ஆசைகளை விட்டு விட வேண்டும். அதன் பின்னரே உங்கள் இதயம் பரிசுத்தமானதாகும். இறைவன் விரும்புவதெல்லாம் ஒரு பரிசுத்தமான, பரிவான, புனிதமான இதயத்தையே. இறைவன் உங்களிடமிருந்து விரும்புவது அல்லது வேண்டுவது என்று எதுவும் இல்லை! ஆசைகள் கொண்டவர் நீங்கள் மட்டுமே. உங்களுக்குச் சீரிய ஆசைகள் இருக்குமானால், இறைவன் மகிழ்ச்சி அடைவான். அதன் பின்னரே, உங்கள் குடும்பம், சமுதாயம் மற்றும் தேசம், சாந்தி, சந்தோஷங்களை அனுபவிக்கும். முதன் முதலில், உங்களது சொந்த இல்லத்தில் சாந்தி நிலவ வேண்டும். பின்னர், அந்த சாந்தி, சமுதாயத்திற்குப் பரவும். சமுதாயங்கள் நல்லவையாக ஆகும்போது, தேசம் மேன்மை அடையும். தேசத்தில் சாந்தியை நிறுவ வேண்டும் என்றால், முதலில், தனி மனிதன் சாந்தியை அனுபவிக்க வேண்டும். தனி மனித அளவில் சாந்தி நிறுவப்பட்டால் மட்டுமே, உலக அமைதி சாத்தியமாகும். தனி மனிதன் சாந்தியுடன் இல்லை என்றால், உலகத்தில் அமைதி எப்படி இருக்க முடியும் ?