கேரளாவில்,மக்கள்,ஓணம் பண்டிகையை, ஒரு எண்ணெய் ஸ்நானம் செய்தும், புத்தாடைகளை அணிந்தும், பகவான் ஸ்ரீகிருஷ்ணரை வணங்கியும், கோவில்களுக்கு சென்றும், கொண்டாடுகிறார்கள். ஓணம் தினத்தன்று, அவர்கள் பல விதமான சிறப்பு தின்பண்டங்களை சமைத்து, குடும்பத்தின் அனைத்து அங்கத்தினர்களும் ஒன்றாக விருந்து அருந்தி, பலி சக்ரவர்த்தியை, அவர்களை ஆசீர்வதிக்குமாறு வரவேற்கிறார்கள். பலி ஒரு மிகச் சிறந்த அரசனும், தலை சிறந்த மற்றும் பணிவான பக்தனும் ஆவான். ஆனால், அவனிடம் அஹங்காரத்தின் ஒரு சுவடு இருந்தது. பகவான் வாமனர், பலி சக்ரவர்த்தியை பாதாள லோகத்தில் தள்ளியது பகவான் வாமனர், பலி சக்ரவர்த்தியின் அஹங்காரத்தை தவிடு பொடி ஆக்கியதை வெளிப்படுத்துகிறது. இறைவன், கோபத்தையும், அஹங்காரத்தையும் ஒருபோதும் சகித்துக் கொள்ள மாட்டான் என்பதை அறிந்திருங்கள். நாம் ஏன் அஹங்காரம் கொண்டவர்களாக இருக்கிறோம்? அது உடலியலான அழகிற்காகவா அல்லது புலன்களின் சக்திக்காகவா அல்லது புத்தி கூர்மை அல்லது செல்வத்திற்காகவா? இவற்றில் ஒன்று கூட நிரந்தரமானதல்ல. இறைவன் ஒவ்வொரு மனிதனுக்கும், சத்யம், தர்மம், சாந்தி, ப்ரேமை மற்றும் அஹிம்ஸை ஆகியவற்றைப் பரிசாக அளித்துள்ளான். இந்த குணங்களை அபிவிருத்தி செய்து கொள்ளுங்கள். இந்த சிறப்பான நாளில், நான், நீங்கள் அனைவரும் ஒரு நல்ல இயல்பை வளர்த்துக் கொண்டு, ஒரு சீலமான வாழ்க்கையை நடத்தி, மனிதத்துவத்திலிருந்து, மாதவத்திற்கு பயணிக்க வேண்டும் என்று ஆசீர்வதிக்கிறேன்.