ஸ்ரீகிருஷ்ணர் மற்றும் கோபிகைகளின் கதை ஒரு ஆழ்ந்த உள்ளர்த்தம் கொண்டது. பிருந்தாவன் என்பது , வரைப் படத்தில் உள்ள ஒரு குறிப்பிட்ட இடம் அல்ல; அது இந்த பிரபஞ்சமே. ஒவ்வொரு இதயமும், இறைவனுக்கான ஏக்கத்துடன் நிரம்பியதாகும்; புல்லாங்குழல் ஓசையே இறைவனது அழைப்பாகும். பகவான் ஸ்ரீகிருஷ்ணர், கோபிகைகளுடன் நில ஒளியில் நடனம் ஆடுவதாக வர்ணிக்கப் படும் ராஸக்ரீடை என்று அழைக்கப்படும் விளையாட்டில், ஒவ்வொரு கோபிகைக்கும், நடனத்தில் அவளது கரத்தைப் பிடித்தவாறு ஒரு கிருஷ்ணர் இருந்தார். இது, இறைவனது சன்னிதானத்தை அடைவதைக் குறிக்கோளாகக் கொண்டவர்களின் ஏக்கத்தையும், கடின உழைப்பையும் குறிக்கும் சின்னமாகும். நீங்கள் ஒவ்வொருவரும், உங்களுக்காகவே இறைவன் முழுமையாக இருக்கிறான் என்ற அளவிற்கு இறைவன் கருணையை வெளிப்படுத்துகிறான்;மற்றவர்களுக்கு அவன் கிடைத்து விட்டானே, உங்களுக்குக் கிடைக்க மாட்டானோ என நீங்கள் கவலைப்படவும் தேவை இல்லை அல்லது உங்களுக்கு அவன் கிடைத்து விட்டான், மற்றவர்களுக்கு அதே சமயத்தில் கிடைக்க மாட்டான் எனக் கர்வம் கொள்ளவும் தேவை இல்லை ! இறைவன் உங்களது இதயம் எனும் கோவில் பிரதிஷ்டை ஆகி விடுகிறான்.