மேலும் மேலும் சுகத்தை நாடாதீர்கள்; அதற்குப் பதிலாக ஞானத்தை நாடுங்கள். மனம், அறியாமை செழித்து வளருவதற்கான ஒரு நிலமே. அதன் எல்லாச் சுவடுகளையும் அழித்து விடுங்கள் ( மனோ நாஸனம் ). மனதை எவ்வாறு அழிப்பது? வெகு சுலபமே. மனம் ஆசைகளால் அடைக்கப் பட்டது. அது, காற்றடைக்கப் பட்ட ஒரு கால் பந்தைப் போன்றது. குத்தி, ஓட்டையாக்கி விடுங்கள்; அது நகராது. நிர்வாணா என்றால், காற்றற்றது என்று பொருள். ஒரு சதுரமான தொட்டியில் நிரப்பப் பட்ட நீர் சதுரமாகத் தோன்றுகிறது; நிலம் வட்டமாகவோ அல்லது செவ்வகமாகவோ இருந்தால், அதில் நிரம்பியுள்ள நீர் அந்தக் கோண வடிவத்தில் இருப்பதைப் போலத் தோன்றும். மனமும், அதை நிரப்பும் ஆசையின் வடிவத்தையே எடுத்துக் கொள்கிறது. மற்றும் ஒரு உதாரணம்- அது, ஆசைகள் எனும் நூலிழைகளால் பின்னப்பட்ட ஒரு துண்டுத் தூணியைப் போன்றது. துணியின் தன்மை, வண்ணம், வலிமை மற்றும் பொலிவு, அது பின்னப்பட்டுள்ள ஆசை எனும் நூலிழைகளைப் பொறுத்தே இருக்கும். நூலிழைகளை ஒவ்வொன்றாக எடுத்து விடுங்கள், துணி மறைந்தே போய் விடும். இதுவே, மனதை அழிப்பதற்கான உத்தியாகும்.