ரஸோ வை ஸஹ- இறைவன் இனிமையானவன். எனவே, இறைவனது சிருஷ்ட்டியான இந்த ப்ரபஞ்சம், அவனது கைவண்ணமே என்று உணருபவர்களுக்கு, இனிமையானதாகத்தான் இருக்கும்.அவனையே நாடி, அவனை அடையும் பொருட்டு, இந்த ப்ரபஞ்சம், இறைவனது மகிமை மற்றும் வல்லமையைக் கற்றுக் கொள்வதற்கான கருவியாகப் பயன்பட வேண்டும். உங்களிடம் ப்ரேமை இல்லை என்றால், நீங்கள் இறைவனைச் சார்ந்தவரோடு உறவு கொண்டாட முடியாது;வெறும் சடங்கு முறையான வழிபாடு, படாடோபமான போற்றுதல் அல்லது உரத்த பாராட்டுதல்கள் போன்றவை உங்களை இறைவனது சன்னிதானத்தில் நுழைவதற்கான அனுமதியை அளிக்க மாட்டா ! ப்ரேமை எனும் பொக்கிஷப் பெட்டகத்தின் முன் இவை யாவும் வெறும் குப்பை, சத்தையே. பரிசுத்தமான ப்ரேமை என்பது, பிறப்பிலிருந்து இறப்பு என்பதிலிருந்து, இறப்பே இல்லாத நிலைக்குச் செல்ல உதவுகின்ற பாலமாகும். மனிதன் என்ற நிலையிலிருந்து, தெய்வம் என்ற நிலைக்கு நீங்கள் உயரும்போது, பிறப்போ அல்லது இறப்போ அங்கு இருக்காது. இருப்பது ஒன்றே ஒன்று தான் என்ற உணர்வை நீங்கள் பெறும் அளவிற்குத் தீவிரமாக ஒவ்வொரு ஜீவராசியையும் நீங்கள் நேசிக்கும் போது, பந்த விமோசனம் ஏற்படுகிறது. உங்கள் இதயத்தை ப்ரேமையிலும், உங்கள் செயல்களை தர்மத்திலும், உங்கள் உணர்ச்சிகளை கருணையிலும் தோய்த்து விடுங்கள்; பின்னர், நீங்கள் இறைவனுடன் மிக விரைவாகவே இரண்டறக் கலந்து விடுவீர்கள் !