பாண்டவர்கள் இமயமலைப் பிரதேசத்தில் சஞ்சரித்துக் கொண்டு இருக்கும் போது, தர்மராஜர் மன உலைச்சல்களால் பாதிக்கப் பட்டு, பகவான் ஸ்ரீகிருஷ்ணரின் உதவியை நாடி ப்ரார்த்தித்தார்.பகவான் ஸ்ரீ கிருஷ்ணர் அவர்களுக்கு அமைதி அளித்து, தர்மராஜரிடம், எப்போதெல்லாம் அவர் மகிழ்ச்சி அல்லது துக்கத்தால் பாதிக்கப் படுகிறாரோ, அப்போது அதை தனக்கே படித்துக் கொள்வதற்காக ஒரு குறிப்பை எழுதித் தந்தார். அந்தக் குறிப்பில், ‘’ இது எப்போதும் இல்லாமல் கடந்து விடும் ( எப்புடும் உண்டது )’’’ என்று எழுதி இருந்தது. இந்த விதம், உங்களது மனக் கலக்கங்களை அமைதிப் படுத்தி விடும். இந்த உலக வாழ்க்கையை, உங்கள் மீது திணிக்கப் பட்ட ஒரு கட்டாயமான கடமையாகக் கருதுங்கள். ஒரு முந்தைய பிறவியில் நீங்கள் புரிந்த குற்றங்களுக்கு தண்டனையாக இப்போது ஒரு சிறையில் இருக்கிறீர்கள். சிறை அதிகாரி உங்களுக்கு, சமைப்பது, தண்ணீர் கொண்டு வருவது, விறகு உடைப்பது போன்ற பல கடமைகளை ஒதுக்குகிறார். உங்களுக்கு ஒதுக்கப் பட்ட கடமையை, எந்த வித பலனையும் எதிர்பாராது,உங்களது திறமைக்கு ஏற்றபடி ஆற்றுங்கள். நீங்கள் நல்லபடியாக நடந்து கொண்டு, இட்ட கடமைகளை முகம் சுணுங்காது ஆற்றி, எந்தப் பிரச்சனையும் செய்யாது இருந்தால், நீங்கள் நம்பகமானவர் மற்றும் நல்லவர் என்ற ஒரு சான்றிதழோடு, முன்னதாகவே விடுதலை செய்யப் படக் கூடும். எந்த வித எதிர்பார்ப்பும் இன்றி தன்னலமற்ற சேவையை (நிஷ்காம கர்மா) ஆற்றி, உங்களது புலன்களைக் கட்டுப் படுத்த, இந்த மேற்கோள் உங்களுக்கு உதவும்.