நாக்கு, இறைவனது திருநாமத்தை உச்சரிக்கலாம்;உங்களது காதுகள், இறைவனது மகிமை பாராயணம் செய்யப் படும்போது திறந்திருக்கலாம்; உங்கள் கரங்கள் இறைவனது விக்ரஹத்தின் மீது மலர்களைத் தூவலாம்; ஆனால் உங்களது நாக்கு அதனது சுவையை அறியவோ அல்லது அனுபவிக்கவோ செய்கிறதா? காது அதற்காக ஏங்குகிறதா? கரம், இறைவனை விரும்பி நாடுகிறதா? உங்களது இதயம் பரமாத்வை உணர்ந்தும், உங்கள் மனம் இறைவனது மகிமையை நினைவு கூறும் போது புல்லரிக்கவும், செய்தால் மட்டுமே உங்களது ஆன்மீக சாதனைகளின் பலன்களை நீங்கள் அனுபவிக்க முடியும். இல்லை என்றால், அது, கசப்பு மற்றும் இனிப்பில் ஒரே விதமான ஆர்வம் மற்றும் உணர்வற்ற தன்மையோடு மூழ்கும் கரண்டியைப் போன்றதாகி விடும். அது எந்த சுவையையும் மறுப்பதோ அல்லது சுவைப்பதோ இல்லை! வேதாந்தம் அல்லது புனித நூல்கள் அல்லது சாஸ்திரங்களை ஆத்மார்த்தமாகப் படித்து அவற்றை பயிற்சி செய்யுங்கள்; பின்னர் அதுவே உங்களது அன்றாட வாழ்க்கை, நடத்தை மற்றும் குணநலனின் ஒரு அங்கமாகி விடும். உங்களது உணர்வுகள் மற்றும் உணர்ச்சிகள் பரிசுத்தமானதாகவும், சீரியவையாகவும், உங்களது குணநலன் சீலமானதாகவும் இருந்தால் மட்டுமே, தான் இறைவனின் ஒரு பக்தன், ஒரு தலைசிறந்த தொண்டன் என்று ஒருவர் உரிமை கொண்டாடுவதை ஏற்றுக் கொள்ள முடியும்.