ஆன்மீக சாதனை என்றால் என்ன? சேவையே உண்மையான ஆன்மீக சாதனை. அனைவரையும் சகோதர, சகோதரிகளாகக் கருதுங்கள். தன்னலமற்ற சேவையின் மூலமே, உங்களது ஜன்மம் சாபல்யமடையும். பிறருக்கு ஆற்றும் சேவையை, இறைவனுக்கே ஆற்றும் சேவையாகக் கருதுங்கள்.துரதிருஷ்ட வசமாக இன்று, மக்கள், ஏதாவது ஒன்றை எதிர்பார்த்தே சேவையில் ஈடுபடுகிறார்கள். மனிதர்கள் பணத்தாசை கொண்டவர்களாக ஆகி விட்டார்கள். தேவைக்கு அதிகமான செல்வம், ஒருவரை அஹங்காரம் கொண்டவர்களாக ஆக்கி விடுகிறது. அஹங்காரம் தீய குணங்களுக்கு இட்டுச் செல்கிறது. ஆசைகள் அதிகரிக்க அதிகரிக்க, துன்பமும் அதிகரிக்கிறது. ‘’ அஸந்துஷ்டோ த்வஜோ நஷ்டஹ ‘’( ஒரு திருப்தி அற்ற மனிதன் இரண்டு விதத்திலும் துன்பமடைகிறான் ). மனிதர்கள் தங்களிடம் இருப்பதை வைத்து சந்தோஷப்படுவதும் இல்லை; அவர்களுக்குக் கிடைக்காததைப் பற்றி துக்கப் பட்டுக் கொண்டும் இருக்கிறார்கள். உங்களிடம் இருப்பதை வைத்து திருப்தி அடையுங்கள். ஆனந்தத்தை அனுபவித்து, அதைப் பிறருடன் பகிர்ந்து கொள்ளுங்கள். உங்களுக்கு பக்தி இருக்குமானால், இறைவன் தானே வந்து ஆனந்தம் அளிப்பான்.