ஒவ்வொருவரும், அவரது தேசம் , குலம் அல்லது பிறந்த காலம் எதுவானாலும், இந்த உலகில் மூன்று விதமான கடன் சுமைகளோடு பிறக்கிறார்கள்.கடன் என்பது, நீங்கள் முன்பே பெற்ற ஒன்றிற்கான நன்றிக் கடனாகும். முதல் கடன், தெய்வத்திற்கானதாகும். இரண்டாவது ரிஷி முனிவர்களுக்கானது. மூன்றாவது ஒருவரது பெற்றோர்களுக்கானது. நாம் இந்த மூன்று கடன்களையும், மனித உடலில் ஊட்டமளித்து,பாதுகாக்கும் வெவ்வேறு தெய்வீக சக்திகளாக எளிதாக இனம் கண்டு கொள்ள முடியும். , ரசம் எனப்படும் தெய்வீக சக்தி உங்களது உடலனைத்திலும் ஊடுருவி உறைகிறது. நமக்கு விலை மதிக்க முடியாத இந்த உடலை அளித்ததோடு மட்டுமல்லாமல், அதைப் போஷித்துக் கொண்டிருக்கும் இறைவனுக்கு நாம் ஒரு நன்றிக் கடன் பட்டிருக்கிறோம். நாம் இறைவனுக்குப் பட்டிருக்கும் கடனை முறையாகத் தீர்ப்பதன் மூலம் மட்டுமே, இறைவன் அளித்த இந்தப் பரிசுகளை, நாம் முழுமையாக அனுபவிக்க முடியும். எப்படி? தார்மீகமான செயல்களை ஆற்றி, அதே தெய்வீகத்தில் தோய்ந்திருக்கும் பிற ஜீவ ராசிகளுக்கு சேவை ஆற்றி, சமூகத்திற்குச் சேவை ஆற்றுவதால் நமது செயல்களைப் புனிதப் படுத்துவதன் மூலமே. இப்போதோ அல்லது ஒருவேளை பல வருங்கால ஜன்மங்களிலோ, இறைவனுக்கான கடன்களைச் செலுத்தி விடுங்கள். எவ்வளவு விரைவாக இந்தக் கடனைத் திருப்பிச் செலுத்துகிறீர்களோ, அவ்வளவு சீக்கிரம் நீங்கள் தெய்வீகத்தை உணர்வீர்கள்.