(1) மௌனமே, ஆன்மீக சாதனையின் முதல் படியாகும். அது சுயக் கட்டுப்பாட்டை வளர்க்கிறது; கோபம், த்வேஷம், வன்மம், பேராசை, தற்பெருமை ஆகியவற்றிற்கான வாய்ப்புகளைக் குறைத்து, மற்ற படிகளை எளிதாக்குகிறது. மேலும், உங்கள் மனதில் அமைதி குடி கொண்டிருந்தால் தான் இறைவனது காலடி ஓசைகளை நீங்கள் கேட்க முடியும். (2) தூய்மை: இதுவே இறைத்தன்மைக்கான வாயிலாகும். அக மற்றும் புறத்தூய்மை, உங்கள் இதயத்தில் இறைவனைப் பிரதிஷ்டை செய்வதற்கு அத்தியாவசிமானவை. (3) சேவை: மற்றொருவர் துன்பப்படும் போது, உங்களுக்கு ஏற்படும் வேதனையிலிருந்து இது உங்களைக் காக்கிறது; உங்களது கண்ணோட்டத்தை விசாலமாக்கி, உங்களது விழிப்புணர்வை பரவலாக்கி, உங்களது பரிவை ஆழமாக்குகிறது.அனைத்து அலைகளும் ஒரே கடலிலிருந்தே தோன்றி,அதே கடலிலேயே சங்கமமாகின்றன. சேவை இந்த ஞானத்தை மனதில் வலுவாகப் பதிக்கிறது. (4) பரிசுத்தமான ப்ரேமை : எதிர்வினை, விளைவு அல்லது பரிசைக் கணக்கிடாதீர்கள். ப்ரேமையே அழைக்கிறது; ப்ரேமையே உதவ விழைகிறது. ப்ரேமையே இறைவன், ப்ரேமையில் வாழுங்கள். (5) த்வேஷமின்மை : எந்த ஜீவராசியையும், இரண்டாம் பட்சமாகவோ, தாழ்ந்ததாகவோ, முக்கியத்துவம் அல்லது தேவை அற்றதாகவோ கருதக்கூடாது.ஒவ்வொன்றிற்கும் இறைவன் வடிவமைத்த நாடகத்தில் அதற்கென்றே என ஒதுக்கப்பட்ட ஒரு அங்கம் உள்ளது. எந்த ஜீவராசியையும் ஒருபோதும் அவமதிக்கவோ அல்லது துன்புறுத்தவோ செய்யாதீர்கள்; ஏனெனில் இறைவன் ஒவ்வொரு ஜீவராசியிலும் உறைகிறான்; நீங்கள் செய்யும் அவமதிப்பு ஒரு தெய்வகுற்றமாகி விடும் !