காயத்திரி மந்திரம், தெய்வீகத்திற்கான ராஜபாட்டையாகும்.அதை ஜபிப்பதற்கு ஒரு குறிப்பிட்ட நேரமோ அல்லது விதிமுறையோ கிடையாது. இருந்தாலும், இளம் பிரம்மச்சாரிகள், மிக அதிகமான பலனைப் பெறுவதற்கு, அதைக் காலை மற்றும் மாலையில் சந்தியாகாலத்தில் ஜபிப்பது சிறந்ததாகும். எனினும், இறைவன் கால மற்றும் தேசங்களுக்கு அப்பாற்பட்டவன் ஆனதால்,எந்த நேரமும், எந்த இடமும், இறைவனது திருநாம ஸ்மரணைக்கு உகந்ததே.ஸ்ரீமத் பாகவதம், ஸர்வதா, ஸர்வத்ர,ஸர்வகாலேஷூ ஹரி சிந்தனம்- அதாவது எப்போதும், எல்லாக் காலங்களிலும், எல்லா இடத்திலும் இறைவனை தியானியுங்கள் என்று பறைசாற்றுகிறது. நீங்கள் காண்பது எதுவானாலும், நீங்கள் எதைச் செய்தாலும், எதைத் தொட்டாலும், அதில் இறைவனை தியானிப்பதற்கு நீங்கள் கற்றுக் கொள்ள வேண்டும்.இந்த பிரபஞ்சம் என்ற நாடக மேடையில் நீங்கள் தாற்காலிகமான ஒரு பாத்திரத்தை ஏற்று நடித்துக் கொண்டு இருக்கிறீர்கள் என்பதை நீங்கள் உணர வேண்டும். நாடகம் முடிந்தவுடன், நீங்கள் உங்களது உண்மையான ஆத்ம ஸ்வரூபத்திற்குத் திரும்பிச் செல்ல வேண்டும். காயத்ரி மந்திரத்தை முறையாக ஜபிப்பதன் மூலம், நீங்கள் உங்களது வாழ்க்கைகளைப் பரிசுத்தமாக்கிக் கொண்டு, உலகிற்கு தார்மீகமாக வாழ்வதன் ஒரு முன்னுதாரணமாக இருக்க வேண்டும். இதுவே, உங்களுக்கான எனது ஆசீர்வாதம்.