இதமாகவும், இனிமையாகவும் பேசுவதோடு ,ஒரு நல்ல மனதை வளர்த்துக் கொள்ளுங்கள். அதன் பிறகே, நீங்கள் பிறரிடமிருந்து மரியாதையைப் பெறுவீர்கள். நீங்கள் எப்போதுமே உதவ முடியாமல் போகலாம், ஆனால், நீங்கள் எப்போதும் இதமாகப் பேசலாமே.தீய பேச்சுக்களுக்கு செவி மடுக்காதீர்கள். கைகேயி, மந்தரையின் தீய வார்த்தைகளைக் கேட்டதால், தனது சொந்த மைந்தனாகிய பரதனை விட அவள் மேலும் அதிகமாக நேசித்த ஸ்ரீராமன், இறுதியில் கானகத்திற்குச் செல்ல நேர்ந்தது. இன்று கைகேயி அல்லது மந்தரா என்ற பெயர் கொண்ட யாரையாவது காண்கிறீர்களா? இல்லையே. தீய பேச்சுக்களில் ஈடுபட்டு, தீய சொற்களைக் கேட்பவர்களை சமுதாயம் மதிப்பதில்லை. எனவே, நீங்கள் எப்போதும் நல்ல வார்த்தைகளையே பேசவும், கேட்கவும் வேண்டும். நீங்கள் எதையாவது தீயவற்றைக் கேட்க நேர்ந்தால், அதைப் பிறருடன் பகிர்ந்து கொள்ளாதீர்கள்.உங்களைக் குழப்பிய ஏதோ ஒன்றைக் கூறி மற்றவர்களைக் குழப்புவதால் என்ன பயன்? இந்நாளில் தீய பேச்சுக்களைக் கேட்பதோடு மட்டும் இல்லாமல், அவற்றை சமுதாயத்தில் பரப்பி குழப்பத்தை ஏற்படுத்தும் பலர் இருக்கிறார்கள். பிறருக்கு மகிழ்ச்சி அளிக்கும் வார்த்தைகளையே உங்கள் நாக்கு பேசட்டும்.