ஒரு தாய்,தனது பச்சிளம் குழந்தையைத் தொட்டிலில் இட்டு விட்டு, நதிக்கு நீர் எடுத்து வரச் செல்கிறாள், அவள் திரும்பி வரும் போது,தனது தலையில் தண்ணீர் நிறைந்த குடத்தை ஏந்தியவாறு, பிற பெண்களுடன் பேசிக் கொண்டே இருக்கக் கூடும்- ஆனால் , அவன் மனம் தனது குழந்தையின் மீதே குவிந்திருக்கும்; அவளது குழந்தை எழுந்து அழப்போகிறதே என்பதால், சீக்கிரமாக வீடு திரும்பவே விரும்புவாள். அதைப் போலவே, அனைத்து வேலைகளுக்கு நடுவிலும், உங்கள் மனம் எப்போதும் ஆத்மாவின் மீதே குவிந்திருக்க வேண்டும்.அதையே உங்களது குறிக்கோளாகக் கொள்ளுங்கள். பஜனை செய்யும் போது, நீங்கள் பல பாடல்களை வெவ்வேறு ராகங்களில் பாடக் கூடும்;ஆனால், உங்கள் மனம் இறைவன் பால் நிலைத்திருக்க வேண்டும்! அர்ஜூனன், அவன் இடையறாது இறைவனையே நினைத்துக் கொண்டு இருந்தால், போர் எப்படிப் புரிவது என்று பகவான் ஸ்ரீகிருஷ்ணரைக் கேட்டான். ஸ்ரீகிருஷ்ணர், ‘’ ஓ மூடனே ! உன் உடலும் ,புலன்களும் மட்டுமே போரில் ஈடுபட்டு உள்ளன. இப்படி இருக்கும் போது, நீ, உன் மனதை இறைவன் பால் எப்போதும் நிலைத்திருக்கச் செய்ய முடியும் ‘’ என்று பதிலளித்தார். உங்களது அனைத்து செயல்களையும் இறைவனைத் திருப்திப் படுத்த வேண்டும் என்ற ஒரே குறிக்கோளுடன் ஆற்றவும்.